रेसलिङमा ट्रम्पः यस्तो छ उनको अनौठो रुचि



दुनियाँको अपेक्षा विपरीत व्यापारिक पृष्ठभूमिका डोनाल्ड ट्रम्प अमेरिकाको ४५ औं राष्ट्रपतिमा निर्वार्चित भए। उनी निर्वाचित भएसँगै नयाँ अमेरिकी नीतिका बारेमा विभिन्न टिका टिप्पणी भइरहेको छ।

ट्रम्पले अमेरिकालाई कता लाने छन् भनेर दुनियाँले निकै व्यग्रतापूर्वक हेरिरहेकै अवस्थामा उनले विख्यात तेल कम्पनीका मालिकलाई विदेशमन्त्री बनाएका छन्। त्यस्तै केही समयअघि मात्रै उनले आफ्ना विरोधीलाई महत्वपूर्ण जिम्मेवारीका लागि नियुक्त गरेका थिए।

राजनीतिक पृष्ठभूमिभन्दा बाहिरबाट आएका उनका अघिल्ला रोचक घटनाहरु बाहिर आउने क्रम जारी छ। यसैबीच एक अन्तर्राष्ट्रिय समाचार संस्थाले उनको रेसलिङ रुचिका बारेमा खबर प्रकाशित गरेको छ।

उक्त समाचार संस्थाले १० वर्षअघि ट्रम्प रेसलिङमा सहभागी हुने गरेको जनाएको छ। उनी रेसलिङका सौखिन थिए। उनी रेसलर भिन्सी मैकमहोन सहित कयौं रेसलरका फ्यान रहेको बताइएको छ।

उनी पटक पटक रेललिङ खेल हेर्न जान्थे र आफूलाई मन पर्ने रेसलरको पक्षमा उभिन्थे। बेलाबेलामा उनी रेसलिङ रिङभित्र गएर विपक्षी रेसलरमाथि जाइलाग्ने समेत गर्थे। कयौं पटक उनले रेसलिङमा ‘होस्ट’ पनि गरेका थिए।

राष्ट्रपतिको चुनावी दौरानमा संलग्नु हुनुभन्दा अघि उनी एउटा रेसलिङमा सहभागी भएका थिए। सो खेलमा उनले हंगामानै मच्चाएको समाचारमा उल्लेख छ।

राष्ट्रपति बनिसकेपछि उनी पुनः त्यस प्रकारका खेलहरुमा सहभागी हुने सम्भावना कम भएपनि ह्वाइट हाउस जानुभन्दा अघि अन्तिम पटक रेसिलिङ हेर्न सहभागी हुनसक्ने अनुमान गरिएको छ।

प्रकाशित ४ पुस २०७३, सोमबार | 2016-12-19 10:24:19

प्रतिकृया दिनुहोस

विचार

सुखद शुक्रबार

ब्लग

प्रविधि

रोचक

NepalKhabar Tweets

विशेष

  • नयाँ मेयरलाई २० बर्ष पुरानो गाडी

    पोखरा आउने विशिष्ट पाहुना र नगरपालिकाका कार्यकारीले यो गाडी प्रयोग गर्थे। ‘निसान कम्पनीको जापानी प्याट्रो गाडी नयाँ मेयरका लागि व्यवस्था गरेका...

  • प्रधानमन्त्री पुष्पकमल दाहाल ‘प्रचण्ड’

    माओवादी बैठकले प्रधानमन्त्रीलाई भन्योः राजीनामाबारे देउवासँग सल्लाह गर्नुस्

    सत्तारुढ दल नेकपा माओवादी केन्द्रले दोस्रो चरणको निर्वाचन र सरकार परिवर्तनबारे नेपाली कांग्रेसका सभापति शेरबहादुर देउवासँग कुराकानी गर्न पार्टी...

  • सरकार परिवर्तन हुँदा ओबर सम्झौता लागू हुनेमा बेइजिङमा संशय

    नेपाल र चीनबीच ओबर परियोजना सम्बन्धी समझदारी पत्रमा हस्ताक्षर भएपनि बेइजिङका केही विज्ञहरूले काठमाडौँले त्यसलाई तत्काल कार्यान्वयन थाल्नेमा संशय...