यात्रुको मुहारमा मुस्कान ल्याउने सुँगुर



लामो हवाई यात्रामा जोसुकै दिक्क लाग्न सक्छ। झनै विमानस्थलमै घन्टौँ कुर्नुपर्ने अवस्था आयो भने त तनावको पारो निकै माथि चढ्न सक्छ। यात्रुहरुको यस्तै समस्यालाई ध्यानमा राख्दै सान फ्रान्सिस्को इन्टरनेसनल एयरपोर्टले यही सातादेखि विश्वमै पहिलो थेरापी–पिग राखेको छ। लाइलाउ नामक जुलियाना जातिको सो सुँगुर मानिसहरुलाई मनोरञ्जन दिनका लागि विमानस्थलमा राखिएको हो।

यसअघि नै इन्स्टाग्राम एकाउन्ट भएको सुँगुरको रुपमा परिचित लाइलाउ अरु सैयौँ कुकुर, बिरालो र खरायोसँगै थेरापी–जनावरहरुको सूचीमा प्रवेश गरेको हो। डिसेम्बर १५ मा दुई वर्ष पुग्ने लाइलाउको मुख्य काम तनावग्रस्त यात्रुको मुहारमा मुस्कान ल्याउनु हो।

यसअघि नै विश्वका थुप्रै विमानस्थलहरुमा थेरापी–जनावर राखिँदै आएको छ। तर लाइलाउ अन्य तालिमप्राप्त घोडा, कुकुर र हाँसभन्दा फरक खेलौना पियानो बजाउने, थुतुनोले मानिसहरुलाई अभिवादन गर्ने, पछाडिको गोडामा उभिने र मुन्टो झुकाएर यात्रुलाई विदाई गर्ने कला पनि प्रदर्शन गर्दछ। उसो त लाइलाउको कपडा रंगीचंगी र खुरमा पनि नङपालिस लगाइएको छ।

अमेरिकामा मात्र ३० भन्दा बढी विमानस्थलमा थेरापी–डग कार्यक्रम सञ्चालन गरिँदै आएको छ। सिन्सिनाटी, केन्टुकी इन्टरनेसनल एयरपोर्ट, आदिमा घोडा पालिएको छ।

लाइलाउ केही महिनायता इन्स्टाग्राममा नर्स, पाइलट, पुतली, आदिको पहिरनमा देखिएको छ।

एजेन्सी

प्रकाशित २२ मंसिर २०७३, बुधबार | 2016-12-07 14:31:52

प्रतिकृया दिनुहोस

विचार

सुखद शुक्रबार

ब्लग

प्रविधि

रोचक

NepalKhabar Tweets

विशेष

  • नयाँ मेयरलाई २० बर्ष पुरानो गाडी

    पोखरा आउने विशिष्ट पाहुना र नगरपालिकाका कार्यकारीले यो गाडी प्रयोग गर्थे। ‘निसान कम्पनीको जापानी प्याट्रो गाडी नयाँ मेयरका लागि व्यवस्था गरेका...

  • प्रधानमन्त्री पुष्पकमल दाहाल ‘प्रचण्ड’

    माओवादी बैठकले प्रधानमन्त्रीलाई भन्योः राजीनामाबारे देउवासँग सल्लाह गर्नुस्

    सत्तारुढ दल नेकपा माओवादी केन्द्रले दोस्रो चरणको निर्वाचन र सरकार परिवर्तनबारे नेपाली कांग्रेसका सभापति शेरबहादुर देउवासँग कुराकानी गर्न पार्टी...

  • सरकार परिवर्तन हुँदा ओबर सम्झौता लागू हुनेमा बेइजिङमा संशय

    नेपाल र चीनबीच ओबर परियोजना सम्बन्धी समझदारी पत्रमा हस्ताक्षर भएपनि बेइजिङका केही विज्ञहरूले काठमाडौँले त्यसलाई तत्काल कार्यान्वयन थाल्नेमा संशय...