१ सय १७ वर्ष लागिन् संसारकै सबैभन्दा पाकी महिला

'दैनिक तीन ओटा काँचो अण्डा र एकल जीवन मेरो दीर्घजीवनको रहस्य हो'



.

संसारकै सबैभन्दा वृद्ध व्यक्ति एम्मा मोरानोले मंगलबार आफ्नो १ सय १७ औँ जन्मदिन मनाएकी छन्। १८०० को शताब्दीमा जन्मिएकी एक मात्र जीवित व्यक्ति मानिने एम्माको जन्मदिनको चर्चा संसारभरका सञ्चारमाध्यममा भयो।

२९ नोभेम्बर १८९९ का दिन इटालीमा जन्मिएकी एम्मा आफ्ना मातापिताकी ८ मध्ये प्रथम सन्तान हुन्। उनका सबै भाइबहिनी बितिसकेका छन्। उनी जीवनभर प्रायः एक्लै बाँचिन्। सन् १९३८ मा उनले जन्माएको शिशुको मृत्यु भएपछि पतिसँग उनको सम्बन्धविच्छेद भयो। यद्यपि इटालीमा सम्बन्धविच्छेदलाई सन् १९७० मा मात्र वैधता दिइएको थियो। सम्बन्धविच्छेदपछि उनी जुटको बोरा उत्पादन गर्ने कारखानामा काम गर्न थालिन्। गत वर्ष आफ्नो उमेर १ सय १६ वर्ष पुगिसकेपछि मात्रै पूर्ण रुपमा उनको रेखदेख गर्न थालिएको छ।

१ सय १६ वर्षको उमेरमा न्युयोर्ककी सुसाना मुसाट जोन्सको मृत्यु भएपछि गत मे महिनाबाट एम्मा विश्वकै सबैभन्दा वृद्ध व्यक्ति बनेकी हुन्।

एम्मा आफ्नो दीर्घजीवनको रहस्य दैनिक ३ ओटा काँचो अण्डा खानु र एकल जीवन बिताउनु रहेको बताउँछिन्। किशोरावस्थामा एक जना डाक्टरले अण्डा नियमित अण्डा खाँदा रक्तअल्पता हुँदैन भनेपछि उनले अण्डा खान थालेकी हुन्। एजेन्सी

प्रकाशित १५ मंसिर २०७३, बुधबार | 2016-11-30 13:02:34

प्रतिकृया दिनुहोस

विचार

सुखद शुक्रबार

ब्लग

प्रविधि

रोचक

NepalKhabar Tweets

विशेष

  • नयाँ मेयरलाई २० बर्ष पुरानो गाडी

    पोखरा आउने विशिष्ट पाहुना र नगरपालिकाका कार्यकारीले यो गाडी प्रयोग गर्थे। ‘निसान कम्पनीको जापानी प्याट्रो गाडी नयाँ मेयरका लागि व्यवस्था गरेका...

  • प्रधानमन्त्री पुष्पकमल दाहाल ‘प्रचण्ड’

    माओवादी बैठकले प्रधानमन्त्रीलाई भन्योः राजीनामाबारे देउवासँग सल्लाह गर्नुस्

    सत्तारुढ दल नेकपा माओवादी केन्द्रले दोस्रो चरणको निर्वाचन र सरकार परिवर्तनबारे नेपाली कांग्रेसका सभापति शेरबहादुर देउवासँग कुराकानी गर्न पार्टी...

  • सरकार परिवर्तन हुँदा ओबर सम्झौता लागू हुनेमा बेइजिङमा संशय

    नेपाल र चीनबीच ओबर परियोजना सम्बन्धी समझदारी पत्रमा हस्ताक्षर भएपनि बेइजिङका केही विज्ञहरूले काठमाडौँले त्यसलाई तत्काल कार्यान्वयन थाल्नेमा संशय...