यस्तो छ विश्वको सबैभन्दा होचो जोडी



ब्राजिलका पाउलो गाब्रिएल डा सिल्भा बारोस र कत्युसा होसिन्होको जोडीलाई गिनिज बुक अफ वर्ल्ड रेकर्डले संसारकै सबैभन्दा होचो विवाहित जोडीको मान्यता दिएको छ। दुवै जनाको उचाइको कूल योग ७१ इञ्च अर्थात् झण्डै १ सय ८१ सेन्टिमिटर मात्रै छ।

३१ वर्षका पाउलोे ३५.५४ इन्च अग्ला छन् भने उनकी २८ वर्षीया पत्नी कत्युसा ३५.८८ इन्च मात्रै। उनीहरुलाई गत साता गिनिज रेकर्ड दिवसका दिन लण्डनमा सबैभन्दा होचो जोडीको उपाधि दिइएको हो।

यो जोडीले गत सेप्टेम्बरमा आठ वर्ष लामो सम्बन्धपछि विवाह गरेका थिए। गिनिज रेकर्डमा नाम लेखाएपछि उक्त जोडीले आफ्नो रेकर्डले ‘अरुलाई पनि शारीरिक फरकपनलाई बिर्सिन र सबैलाई बराबर रुपमा बुझ्न तथा व्यवहार गर्न उत्प्रेरित गर्ने’ विश्वास व्यक्त गरेका छन्।

 

उक्त जोडीलाई विवाहको पहिरनमा मिडियासामु प्रस्तुत गर्दा रातो कार्पेट ओच्छ्याइएको थियो। सबैभन्दा पहिले उनीहरुको परिचय एमएसएन मेसेन्जरमा १० वर्षअघि भएको थियो। तर कत्युसाले पाउलोलाई ब्लक गरिदिएपछि दुवैको सम्बन्ध टुटेको थियो।

केही समयपछि कत्युसाले उनलाई अनब्लक गरिदिइन्। ‘जब उनले मलाई अनब्लक गरिन्, मैले उनलाई हेलो भन्न एक मिनेट पनि लागेन,’ पाउलो भन्छन्, ‘उनका अनुसार म एकदमै झर्कोलाग्दो केटो थिएँ।’

अन्ततः कत्युसासँग विवाह गर्ने पाउलोको सपना पूरा भयो र दुवैको जोडी संसारकै सबैभन्दा होचो जोडी बन्न सफल भयो। एजेन्सी 

 

प्रकाशित ९ मंसिर २०७३, बिहिबार | 2016-11-24 15:55:31

प्रतिकृया दिनुहोस

 

 

विचार

सुखद शुक्रबार

ब्लग

प्रविधि

रोचक

NepalKhabar Tweets

विशेष

  • होमस्टे वर्गीकरणसहित करको दायरामा

    सरकारले नेपालमा सञ्चालित ‘होमस्टे’लाई वर्गीकरण गर्दै करको दायरामा ल्याउने भएको छ। नेपालमा सञ्चालित केही होमस्टले मासिक राम्रो आम्दानी गर्न...

  • कहिले फारिएला काठमाण्डूको धुलो?

    मेलम्ची खानेपानी आयोजना कार्यान्वयन निर्देशनालयका आयोजना प्रबन्धक नन्दप्रसाद खनाल भन्छन्, ‘हामी दिनरातै काम गरिरहेका छौँ। आठ मिटर चौडाइभन्दा ठूला...

  • पेट्रोलियम पदार्थको हाहाकार हट्ने

    ‘तेल चोर्न’ पाउनुपर्छ भन्दै आन्दोलनमा उत्रिएका ट्यांकर चालकले एक महिनाको समयसीमा दिँदै शुक्रबारदेखि पेट्रोलियम पदार्थ उठाउने भएका छन्। नेपाल आयल...

  • चुनाव र मेरो गाउँ

    सपना स्वीटजरल्याण्ड, सिंगापुर र जापानको देखाइन्छ। तर पञ्चायत जानु, बहुदल आउनु र गणतन्त्रको बजार लाउनुले मेरा बा आमाको जीवनमा खासै अन्तर आएको छैन।...