जब हिलारी आफैँले चुनाव जितेको समाचारमा हस्ताक्षर गरिन्



नोभेम्बर ७ मा म्याडम प्रेसिडेन्ट लेखिएको पत्रिकामा हस्ताक्षर गर्दै
नोभेम्बर ७ मा म्याडम प्रेसिडेन्ट लेखिएको पत्रिकामा हस्ताक्षर गर्दै
गेट्टी इमेज

गत नोभेम्बर ७ अर्थात् अमेरिकी राष्ट्रपतिको निर्वाचनको अघिल्लै दिन हिलारी क्लिन्टनले आफू विजयी भएको समाचार प्रकाशित न्युजविकको एक अंकमा हस्ताक्षर गरेकी थिइन्। तर चुनावको नतिजा उल्टो भएपछि क्लिन्टन र पत्रिकाका प्रकाशक दुवै जिल्ल परेका छन्।

नोभेम्बर ७ तारिखका दिन न्युजविकको एक साझेदार समाचार सँस्था टोपिक्स मिडियाले हिलारी क्लिन्टन अमेरिकी राष्ट्रपतिमा विजयी बनेको समाचार छापेर आफ्नो पत्रिकाको एक अंक निकालेको थियो। पछि करिब १ लाख २५ हजार प्रति पत्रिका प्रकाशकले फिर्ता लिएका थिए।

टोपिक्स मिडियाले तयार गरेको भनिएको पत्रिकाको दुवै आवरण

टोपिक्स मिडियाले तयार गरेको भनिएको पत्रिकाको दुवै आवरण

नोभेम्बर ८ मा मतदान समाप्त नभइकनै सो अंक बजारमा पुगेको थियो। निर्वाचनको नतिजा सार्वजनिक भएपछि मात्रै सो पत्रिको बेचिने तय गरिएको भए पनि सो अगावै पत्रिकाका केही प्रति मानिसहरुको हातमा पुगेको थियो। यसैलाई लिएर ठूला मिडियाले यो चुनावमा धाँधलीको प्रयास गरेको ट्रम्प समर्थकहरुले आरोप लगाएका थिए।

टोपिक्स मिडियाका सिइओ टोनी रोमान्डोका अनुसार मिडियाका कर्मचारीले ‘म्याडम प्रेसिडेन्ट’ र ‘प्रेसिडेन्ट ट्रम्प’ गरी दुई सँस्करण तयार गरेका थिए। तर मत सर्वेक्षणहरुमा क्लिन्टनले जित्ने निश्चित देखिएपछि ‘म्याडम प्रेसिडेन्ट’ सँस्करण चाहिँ प्रिन्ट गरेर खुद्रा बिक्रेतासम्म पु¥याइएको थियो।

निर्वाचनको नतिजा सार्वजनिक नभइकनै क्लिन्टनले जितेको समाचारसहितको पत्रिका बजारमा देखिएपछि न्युजविकको व्यापक आलोचना भयो। त्यसपछि न्युजविकका सम्पादकहरुले ट्वीट गर्दै सो अंक न्युजविकको लाइसेन्सप्राप्त सँस्था टोपिक्स मिडियाले तयार गरेको स्पष्टीकरण दिएका थिए।

टोपिक्स मिडियाले तयार गरेको भए पनि सो आवरणलाई न्युजविकका प्रधान सम्पादक जिम इम्पोकोले अनुमोदन गर्ने गर्छन्। टोपिक्स मिडियाले न्युजविकको स्वामित्व रहेको सँस्था आइबिटी मिडियालाई लाइसेन्स शुल्क तिर्ने गर्दछ। एजेन्सी

 

प्रकाशित ३० कार्तिक २०७३, मंगलबार | 2016-11-15 19:08:59

प्रतिकृया दिनुहोस

विचार

सुखद शुक्रबार

ब्लग

प्रविधि

रोचक

NepalKhabar Tweets

विशेष

  • दर्जन देशबाट चामल आयात, वर्षेनि सकिन्छ २३ अर्ब

    वर्षेनि दर्जन देशबाट चामल आयात गरी २३ अर्ब सिध्याइने नेपालमा तीन वर्षभित्र आत्मनिर्भर हुने सरकारी योजना अघि सारिएको छ। नेपालमा खासै उत्पादन नहुने...

  • नेपालखबर हङकङका सम्पादक जेवी पुन मगर

    हङकङ सम्पादक पुनमाथि आक्रमण प्रयास, ज्यान लिने धम्की

    हङकङमा बसोबास गर्ने स्याङजाका कोमल गुरुङले नेपालखबर हङकङ संस्करणका सम्पादक जेवी पुन मगरमाथि हङकङ अन्तर्राष्ट्रिय विमानस्थलमा बुधबार आक्रमण प्रयास...

  • कुन दल होला पहिलो? यस्तो छ कांग्रेस, एमाले र माओवादी लेखाजोखा

    दोश्रो चरणको निर्वाचनमा पनि तीन प्रमुख राजनीतिक दलहरु नेपाली कांग्रेस, एमाले र माओवादी केन्द्रका उम्मेदवारबीच नै प्रतिष्पर्धा हुने निश्चित छ।...

  • भारतले ‘गल्ती नसच्याएसम्म’ चीनले नाथुला नाका नखोल्ने

    ‘भारतीय तीर्थयात्री नाथुला नाका हुँदै समयमै तिब्बत पुग्न नसक्नुको जिम्मा भारतले लिनुपर्छ’, प्रवक्ता लुले बेइजिङमा भने, ‘कहिले खुल्छ भन्ने कुरा...