सेपाकताक्रो टोली श्रीलंका प्रस्थान



दोश्रो दक्षिण एसियाली सेपाकताक्रो च्याम्पियनसिपमा सहभागी हुन ८ खेलाडीसहित १७ सदस्यीय नेपाली टोली श्रीलंकाको कोलोम्बो प्रस्थान गरेको छ। मंगलबार अबेर राती उनीहरु त्यसतर्फ प्रस्थान गरेका हुन्।

पुरुष खेलाडीमा अनिल गुरुङ (कप्तान), एलन गुरुङ, रुपेश सुनार र रोशन तामाङ रहेका छन्। महिलामा सोममाया थापा मगर (कप्तान), सुमित्रा डंगोल, चन्द्रा चौधरी र स्वस्तिका श्रेष्ठ छन् । जनवरी १३ देखि १६ तारिखसम्म हुने प्रतियोगितामा नेपाली खेलाडीले रेगु र डबल्स इभेन्टमा प्रतिस्पर्धा गर्नेछन्।

टिम व्यवस्थापकमा नेपाल सेपाकताक्रो संघका अध्यक्ष एवं दक्षिण एसियाली सेपाकताक्रो महासंघका सचिव नेत्रप्रसाद गुरुङ तथा प्रशिक्षकमा गंगाबहादुर गुरुङ छन्। अर्जुनबहादुर ठकुल्ला र रोशन भट्टराईले प्रतियोगितामा निर्णायकको भूमिका निर्वाह गर्नेछन्।
प्रतियोगिता दौरान हुने वार्षिक साधारणसभामा भाग लिन दक्षिण एसियाली सेपाकताक्रो महासंघका तीन नेपाली पदाधिकारी पनि टोलीसंगै कोलोम्बो प्रस्थान गरेका छन्।

दक्षिण एसियाली सेपाकताक्रो महासंघका अध्यक्ष सीताराम मास्के, उपाध्यक्ष राष्ट्रिय खेलकुद परिषद् (राखेप) का सदस्य–सचिव केशवकुमार विष्ट र महासचिव ध्रुव गुरुङ कोलोम्बो गएका हुन्। राखेपका प्रेस सल्लाहकार रोहितकुमार दाहाल पनि टोलीसंगै कोलोम्बो प्रस्थान गरेका छन्।

टोलीलाई नेपाल सेपाकताक्रो संघका सदस्य एवं झापा जिल्ला खेलकुद विकास समितिका अध्यक्ष शंकर थापा, नेपाल कराते महासंघका महासचिव एवं नेपाल वादोरियो कराते डो संघका अध्यक्ष हरिशरण केसीलगायतले मंगलबार त्रिभूवन अन्तर्राष्ट्रिय विमानस्थलमा बिदाइ गरे।
पहिलो संस्करण २०१३ मा नेपालले आयोजना गरेको थियो।

पुरुष विधा मात्र समावेश उक्त संस्करणको डबल्स, रेगु र टिम इभेन्ट तीनैमा नेपालले रजत जितेको सेपाकताक्रो संघले जनाएको छ। त्यसबेला नेपालसहित भारत, श्रीलंका, बंगलादेश र पाकिस्तानले भाग लिएका थिए।यसपटक पनि यिनै पाँच राष्ट्र दोहोरिने बताइएको छ।

सदस्य–सचिव विष्टको अनुपस्थितिमा राखेपका सदस्य गंगाबहादुर थापाले निमित्त सदस्य–सचिवको कार्यभार सम्हाल्नेछन्।

प्रकाशित २७ पुस २०७३, बुधबार | 2017-01-11 17:43:38

प्रतिकृया दिनुहोस

 

 

विचार

सुखद शुक्रबार

ब्लग

प्रविधि

रोचक

NepalKhabar Tweets

विशेष

  • काँग्रेसमा केन्द्रीय कार्यसम्पादन समिति गठन

    नेपाली काँग्रेसले महाधिवेशन भएको एक वर्षपछि ‘केन्द्रीय कार्यसम्पादन समिति’ गठन गरेको छ। आइतबार पार्टी केन्द्रीय कार्यालय सानेपामा सुरु भएको...

  • चीनसँगको कनेक्टिभिटी नेपालको पहिलो प्राथमिकताः प्रधानमन्त्री दाहाल

    नेपाल भएर दक्षिण एशियासँग जोडिंदा चीनलाई बढी लाभ हुने बताउँदै दाहालले यो क्षेत्रको विकासको लागि सबैभन्दा सुनौलो अवसर भएको टिप्पणी गरे।...

  • साडी, स्वीटर र ब्लाउजमा बुट्टा भर्ने तथा कढाइ गर्ने सीप सिकिरहेका एकल जीवन बिताउँदै आएका रोल्पाका महिला

    सीप सिकेर जीवन बदल्ने प्रयास गर्दैछन् रोल्पाका यी एकल महिला

    उमेर नपुग्दै विवाह गर्ने चलन रोल्पामा अझै घटेको छैन। सानै उमेरमा विवाह गर्ने अनि उमेर छिपिँदै गएपछि पारिवारिक समस्या देखाएर सम्बन्ध विच्छेद...

  • परासर आश्रमतनहुँको सेती र मादी नदीको किनारमा अवस्थित परासर आश्रम

    पर्यटकीय स्थलमा बदलिँदै छ व्यास क्षेत्र

    पर्याप्त सम्भावना रहेर पनि प्रचारप्रसार एवम् पूर्वाधार विकासका दृष्टिले ओझेलमा परेको यस क्षेत्रलाई व्यास क्षेत्र विकास कोष तनहुँको सकृयतामा करिब २७...