अल्ट्राधावक मिरा २८ लाख नगदसहित सम्मानित



अल्ट्रा म्याराथन धाविका मिरा राईलाई नगद २८ लाख रुपैयाँसहित सम्मान गरिएको छ। मिरालाई अल्ट्राम्याराथनमा अन्तराष्ट्रियस्तरमा नेपाललाई चिनाउन सफल भएको भन्दै झापाको दमकमा नगदसहित सम्मान गरिएको हो। बेलायतमा रहेका आधा दर्जन संघसंस्थाले संयुक्तरुपमा उनलाई २८ लाख नगदसहित सम्मान गरेका हुन्।

दमक रेडक्रसको भवनमा बिहीबार एक कार्यक्रम गरी राष्ट्रिय खेलकुद परिषदका सदस्य सचिव केशवबहादुर विष्टले मिरालाई नगदसहित सम्मानित गरे। बेलायतस्थित सगरमाथा तेक्वान्दो डोजाङ्गको पहलमा किराँत राई यायोख्खा, जेन मार्सल आर्ट एकेडेमी, भोजपुर समाज र नेपाल युथ अर्गनाईजेसनको सहयोगमा उक्त रकम जुटाइएको हो। कार्यक्रममा मिरालाई अल्ट्राम्याराथनमा लाग्न प्रेरित गर्ने कराते प्रशिक्षक ध्रुवविक्रम मल्ललाई पनि २ लाख नगदसहित सम्मानित गरिएको थियो।

मिरा नेसनल जियोग्राफीले सन् २०१७ का लागि घोषणा गरेको ‘एड्भेन्चरर्स अफ दि इयर’को ‘पिपुल्स च्वाइस अवार्ड’को मनोनयनमा परेकी थिइन्। भोजपुर सानोदुम्जा घर भएकी २६ वर्षीया मिरा राई पूर्व माओवादी लडाकु हुन्। शान्ति सम्झौतापछि सेना समायोजनमा अयोग्य ठहर भएर बहिर्गमनमा परेपछि मिरा धावनमा लागेकी थिइन्।

प्रकाशित २१ पुस २०७३, बिहिबार | 2017-01-05 19:18:51

प्रतिकृया दिनुहोस

 

 

विचार

सुखद शुक्रबार

ब्लग

प्रविधि

रोचक

NepalKhabar Tweets

विशेष

  • काँग्रेसमा केन्द्रीय कार्यसम्पादन समिति गठन

    नेपाली काँग्रेसले महाधिवेशन भएको एक वर्षपछि ‘केन्द्रीय कार्यसम्पादन समिति’ गठन गरेको छ। आइतबार पार्टी केन्द्रीय कार्यालय सानेपामा सुरु भएको...

  • चीनसँगको कनेक्टिभिटी नेपालको पहिलो प्राथमिकताः प्रधानमन्त्री दाहाल

    नेपाल भएर दक्षिण एशियासँग जोडिंदा चीनलाई बढी लाभ हुने बताउँदै दाहालले यो क्षेत्रको विकासको लागि सबैभन्दा सुनौलो अवसर भएको टिप्पणी गरे।...

  • साडी, स्वीटर र ब्लाउजमा बुट्टा भर्ने तथा कढाइ गर्ने सीप सिकिरहेका एकल जीवन बिताउँदै आएका रोल्पाका महिला

    सीप सिकेर जीवन बदल्ने प्रयास गर्दैछन् रोल्पाका यी एकल महिला

    उमेर नपुग्दै विवाह गर्ने चलन रोल्पामा अझै घटेको छैन। सानै उमेरमा विवाह गर्ने अनि उमेर छिपिँदै गएपछि पारिवारिक समस्या देखाएर सम्बन्ध विच्छेद...

  • परासर आश्रमतनहुँको सेती र मादी नदीको किनारमा अवस्थित परासर आश्रम

    पर्यटकीय स्थलमा बदलिँदै छ व्यास क्षेत्र

    पर्याप्त सम्भावना रहेर पनि प्रचारप्रसार एवम् पूर्वाधार विकासका दृष्टिले ओझेलमा परेको यस क्षेत्रलाई व्यास क्षेत्र विकास कोष तनहुँको सकृयतामा करिब २७...