यी दश उपलब्धी जुन २०१७ मा मेसीले हासिल गर्न सक्छन्



२९ वर्षीय फुटबलर लियोनल मेसीले प्राप्त गर्न बाँकी उपलब्धी के होला? सायद तपाईंको उत्तर हुनेछः विश्वकप उपाधि। सन् २०१७ मा विश्वकप हुनेछैन। त्यसैले उनले त्यो उपाधि हात पार्ने सम्भावना पनि छैन। तर सन् २०१७ मा मेसीले यी उपलब्धी हासिल गर्न सक्छन्ः

१. बार्सिलोनका लागि ५ सय गोलः ५ सय गोलको कोसेढुंगा पार गर्नका लागि मेसीले यो साल मात्र २४ गोल गर्नुपर्ने हुन्छ। उनीले हालसम्म बार्सिलोनाका प्रतिस्पर्धात्मक खेलमा ४ सय ७६ गोल गरिसकेका छन्। अवश्य पनि यसमा मैत्रीपूर्ण खेलमा उनले गरेको गोल गणना गरिएको छैन।

२. एक सय च्याम्पियन्स लिग गोलः मेसीले च्याम्पियन्स लिगमा यो सिजन समूह चरणमै १० गोल गरिसकेका छन्। हाल उनको च्याम्पियन्स लिग गोल संख्या ९३ पुगेको छ। च्याम्पियन्स लिगमा १ सय गोल पु¥याउन उनले प्रतिद्वन्द्वी क्लब रियल म्याड्रिडका क्रिष्टियानो रोनाल्डोसँग प्रतिस्पर्धा गर्नुपर्नेछ। रोनाल्डोले ९५ गोल गरेका छन्।

३. बार्सिलोनाका लागि ६ सय खेलमा सहभागिताः मेसीले २०१६ सम्ममा बार्सिलोनाका लागि ५५१ सहभागिता जनाएका छन्। उनले ६ सय सहभागिता जनाउने हो भने पूर्व कप्तान कार्लोस पुयोलको रेकर्ड तोड्नेछन्। पुयोलले बार्सिलोनाका लागि ५९३ खेलमा सहभागिता जनाएका थिए। सोभन्दा बढी सहभागिता जाभी हर्नान्डेज र आन्द्रेस इनिस्टाको मात्र छ।

४. पाँचौँ च्याम्पियन्स लिग उपाधिः मेसीले बार्सिलोनाका लागि सन् २००६, २००९, २०११ र २०१५ समेत गरेर चार पटक उपाधि जितिसकेका छन्। यो साल जित्न सके त्यो उनको पाँचौँ च्याम्पियन्स लिग उपाधि हुनेछ।

५. एउटै क्लबका लागि सबैभन्दा बढी गोल गर्ने खेलाडीः मेसीले बार्सिलोनका लागि ४७६ गोल गरिसकेका छन्। युरोपमा त्यसभन्दा बढी एकै क्लबका लागि गोल गर्नेहरुमा ह्याम्बर्गका लागि उवे सिलरले ५०७, सेल्टिकका लागि जिम्मी म्याक्ग्रोरीले ५२२ र बायर्न म्युनिखका लागि गर्ड मुलरले ५२५ गोल गरेका छन्।

६. लास पालमासविरुद्ध गोलः लास पालमासबाहेक मेसीले लालिगामा रहेका सबै टोलीका विरुद्ध गोल गरिसकेका छन्। बार्सिलोना र लास पालमासबीचको खेल जनवरी १४ तारिखका दिन तय भएको छ।

७. विदेशी टोली विरुद्ध १ सय गोलः मेसीले हालसम्म स्पेनबाहिरका टोलीविरुद्ध ९७ गोल गरिसकेका छन्। यो वर्ष उनले सो संख्या १ सय माथि पु¥याउने अपेक्षा गर्न सकिन्छ।

८. ओपेनिङ गोल रेकर्डः ह्युगो साञ्चेजले ७६ खेलमा सुरुवाती गोल गरेका छन्। मेसीले उनीभन्दा पाँच कम सुरुवाती गोल गरेका छन्।

९. बार्सिलोनाका लागि ४ सय जितः मेसीले बार्सिलोनाका लागि ३९० खेल जितिसकेका छन्। यस साल उनले बार्सिलोनाका लागि ४ सय जित हासिल गर्ने लगभग निश्चित छ।

१०. बार्सिलोनाका लागि ५ सय खेलमा सुरुवातः मेसीले बार्सिलोनाका लागि सहभागिता जनाएका ५५१ खेलमध्ये ४८४ खेलमा सुरुवात गरेका छन्। एजेन्सी 

प्रकाशित २१ पुस २०७३, बिहिबार | 2017-01-05 18:26:27

प्रतिकृया दिनुहोस

 

 

विचार

सुखद शुक्रबार

ब्लग

प्रविधि

रोचक

NepalKhabar Tweets

विशेष

  • काँग्रेसमा केन्द्रीय कार्यसम्पादन समिति गठन

    नेपाली काँग्रेसले महाधिवेशन भएको एक वर्षपछि ‘केन्द्रीय कार्यसम्पादन समिति’ गठन गरेको छ। आइतबार पार्टी केन्द्रीय कार्यालय सानेपामा सुरु भएको...

  • चीनसँगको कनेक्टिभिटी नेपालको पहिलो प्राथमिकताः प्रधानमन्त्री दाहाल

    नेपाल भएर दक्षिण एशियासँग जोडिंदा चीनलाई बढी लाभ हुने बताउँदै दाहालले यो क्षेत्रको विकासको लागि सबैभन्दा सुनौलो अवसर भएको टिप्पणी गरे।...

  • साडी, स्वीटर र ब्लाउजमा बुट्टा भर्ने तथा कढाइ गर्ने सीप सिकिरहेका एकल जीवन बिताउँदै आएका रोल्पाका महिला

    सीप सिकेर जीवन बदल्ने प्रयास गर्दैछन् रोल्पाका यी एकल महिला

    उमेर नपुग्दै विवाह गर्ने चलन रोल्पामा अझै घटेको छैन। सानै उमेरमा विवाह गर्ने अनि उमेर छिपिँदै गएपछि पारिवारिक समस्या देखाएर सम्बन्ध विच्छेद...

  • परासर आश्रमतनहुँको सेती र मादी नदीको किनारमा अवस्थित परासर आश्रम

    पर्यटकीय स्थलमा बदलिँदै छ व्यास क्षेत्र

    पर्याप्त सम्भावना रहेर पनि प्रचारप्रसार एवम् पूर्वाधार विकासका दृष्टिले ओझेलमा परेको यस क्षेत्रलाई व्यास क्षेत्र विकास कोष तनहुँको सकृयतामा करिब २७...