‘क्याप्टेन कुल’ ले दिए राजीनामा



भारतीय क्रिकेटका सबैभन्दा सफल कप्तान महेन्द्रसिंह धोनीले सीमित ओभरको कप्तानीबाट राजीनामा दिएका छन्। ‘क्याप्टेन कुल’का उपनाम पाएका धोनीले इंग्ल्याण्डसँगको एक दिवसीय सिरिजअघि राजीनामा दिएका हुन्।

उनलाई टेस्टमा भन्दा एक दिवसीय क्रिकेटमा राम्रा कप्तानका रुपमा गिन्ती गरिन्छ। एक दिवसीय र टि२० टोली छनोटका लागि जनवरी छ मा छनोटकर्ताहरुको बैठकअघि धोनीले कप्तानी छोड्ने निर्णय गरेका हुन्। उनले टेस्ट टोलीको कप्तानी डिसेम्बर २०१४ मै छोडेका हुन्।

उनले दक्षिण अफ्रिकामा आयोजित २००७ को वर्ल्ड टि२०, २०११ मा भारतमै आयोजित एक दिवसीय विश्वकप, र २०१३ मा इंग्ल्याण्डमा आयोजित च्याम्पियन्स ट्रफी जिताएका थिए।

धोनीले १९९ एक दिवसीय क्रिकेटमा देशको नेतृत्व गरे, जसमध्ये ११० खेलमा भारतले जित हात पारेको थियो भने ७४ मा हार। त्यसैगरी उनको कप्तानीमा भारतले खेलेको ७२ टि२० खेलमध्ये भारत ४१ खेलमा विजयी बन्यो र २८ मा हार बेहो¥यो। त्यस्तै उनले २७ टेस्टमा जित हासिल गर्दा १८ हार र १५ बराबरी हुन पुग्यो।

त्यसैगरी धोनी न्युजिल्याण्डमा एक दिवसीय क्रिकेट सिरिज र अष्ट्रेलियामा टि२० सिरिज जिताउने एक मात्र भारतीय कप्तान बनेका छन्।

कप्तानका रुपमा एक दिवसीय क्रिकेटमा उनले ६,६३३ रन बनाएका छन् भने टेस्टमा ३,४५४ रन बनाएका छन्।

अन्तिम बलसम्म पुगेर खेल जिताउने धोनीको शैलीका कारण धेरैले उनको प्रशंसा र केहीले आलोचना पनि गर्दथे। विभिन्न विज्ञापन पनि खेलेका उनी सबैभन्दा धनी क्रिकेटरमध्ये एक मानिन्छन्।

कप्तानी छोडेको घोषणापछि क्रिकेटका हस्तीहरुले धोनीको प्रशंसा गरेका छन्। उनले राजीनामा दिएपछि हाल टेस्ट टोलीका कप्तानी गरिरहेका विराट कोहलीले एक दिवसीय तथा टि२० टोलीको नेतृत्व सम्हाल्ने अपेक्षा गरिएको छ। एजेन्सी

प्रकाशित २१ पुस २०७३, बिहिबार | 2017-01-05 10:40:39

प्रतिकृया दिनुहोस

विचार

सुखद शुक्रबार

ब्लग

प्रविधि

रोचक

NepalKhabar Tweets

विशेष

  • निर्वाचन आयोग

    मतदानको सम्पूर्ण तयारी भएको आयोगको जानकारी, सुरक्षा व्यवस्था अझै कडा

    १४ असारमा हुने स्थानीय तहको दोस्रो चरणको निर्वाचनका लागि निर्वाचन आयोगले सबै तयारी पुरा भएको जनाएको छ। स्थानीय तहको दोस्रो चरणको निर्वाचनले प्रदेश...

  • दोस्रो चरणः यी हुन् आकर्षणका आठ इकाई

    असार १४ मा हुने स्थानीय तहको दोस्रो चरणको निर्वाचनका ३ सय ३४ इकाई निर्वाचनमा सहभागी दल र उम्मेदवारका निम्ति त्यत्तिकै महत्वूर्ण छन्। तर,...

  • विराटनगरमा भीमको बाचाः भोटको बदलामा समृद्धि

    शुक्रबार एकाबिहानै विराटनगर महानगरपालिका–३ को राजवंशी चोकमा रहेको पिपलको रुखमुनि उभिएर भीम पराजुली करिब सयको संख्यामा उपस्थित स्थानीय मतदातालाई...

  • गोठाले मन्त्रदेखि तालमेल भत्काउने प्रयत्नसम्म

    ‘कांग्रेसको एक्लौटी नेतृत्व भएको ठाउँमा मेरो इन्चार्जसिपमा बुटवल नगरपालिका हामीले जित्यौ, अहिले त म आफैं छु’ उनले सुनाए ‘तालमेलले केही फरक पार्दैन,...