फाईनल सम्झेर खेले अवश्य जित्छन्ः पूर्वकप्तान अनु लामा



चौथो साफ महिला च्याम्पियनसिप फुटबल प्रतियोगिताको सेमिफाइनल खेलमा नेपालले चिरपरिचित प्रतिद्वन्द्वी भारतसँग प्रतिस्पर्धा गर्दैछ। सोमबार भारतको सिलगुढीस्थित कञ्चनजङ्घा रङ्गशालामा नेपालले नेपाली समयअनुसार दिउँसो सवा २ बजे विजय लक्ष्यका साथ भारतको सामना गर्नेछ।

नेपाल समूह एकको विजेता बन्दै सेमिफाइनलमा प्रवेश गरेको हो भने भारत समूह बीको उपविजेताका रुपमा सेमिफाइनलमा पुगेको हो।

सुरुवातदेखि नै नेपालको खेल नियालिरहेकी साफ च्याम्पियनसिपमा २१ गोल गर्न सफल पूर्वकप्तान अनु लामा नेपालको आजको सेमीफाईनल खेल ‘डु अर डाई’ हुने बताउँछिन्। उनी भन्छिन्, ‘यो वर्ष नेपालले सेमीफाइनलमा नै भारतलाई विपक्षीको रुपमा पाएको छ। तर डराउनु पर्ने अवस्था भने छैन, नेपालको टोलीमा केहि खेलाडी नयाँ छन्, केहीको डेब्यु गेम पनि हो तर उनीहरुले यो खेलमा होपलेस नभई खेलेमा पक्का चौथो साफको उपाधि हात पार्छन्।’

उनले भनिन्, ‘हाम्रा खेलाडीले मिडफिल्ड, फरवार्ड राम्रा छ्, डिफेन्समा पनि सुधार गरेका छन्। ‘त्यसैले कुनै पनि चान्स गुमाउन भएन यति भएमा नेपालले खेल आफ्नो हातमा लिन सक्छ।’

समूह चरणमा तीन खेल खेलेको नेपालले तीनै खेलमा जित हासिल गर्दै ९ अङ्क जोडेको छ। नेपालले पहिलो भुटानविरुद्वको खेलमा ८–० को जित हासिल गरेको थियो। त्यसैगरी माल्दिभ्सलाई ९–० तथा श्रीलङ्कालाई १–० गोलअन्तरले पराजित गरेको थियो।

त्यस्तै समूह चरणको खेलमा दुई खेल खेलेको भारतले एक खेलमा जित तथा एक खेलमा गोलरहित बराबरी खेलेको थियो। दुई वर्षअघि पाकिस्तानमा भएको तेस्रो साफ महिला च्यापियनसिपमा नेपाल फाइनल खेलमा भारतसँग प्रतिस्पर्धा गरेको थियो।

त्यतिबेला नेपाल भारतसँग पराजित भएको थियो। भने अहिलेसम्म भएका साफमा नेपाल भारतसँगै फाईनलमा पराजित भएको छ। तर यो वर्ष भने नेपालले भारतलाई सेमिफाईनलमै प्रतिस्पर्धीको रुपमा पाएको हो।

प्रकाशित १८ पुस २०७३, सोमबार | 2017-01-02 12:37:42

प्रतिकृया दिनुहोस

 

सुखद शुक्रबार

ब्लग

प्रविधि

रोचक

NepalKhabar Tweets

विशेष

  • दुई दशकपछि नेपालको आर्थिक वृद्धिदर ७ प्रतिशत

    केन्द्रिय तथ्यांक विभागले नेपालको आर्थिक वृद्धिदर ६ दशमवल ९४ प्रतिशत पुग्ने प्रक्षेपण गरेको छ। दुई दशकपछि नेपालको आर्थिक वृद्धिदर सबैभन्दा बढी...

  • राजनीतिक संवाद जारी राखेर अगाडि बढ्ने पाँच दलको निर्णय

    पाँच राजनीतिक दलको बालुवाटारमा बसेको बैठकले राजनीतिक संवादलाई जारी राख्दै सहमतिबाटै अगाडि बढ्ने निर्णय गरेको छ। मंगलबार बेलुका प्रधानमन्त्री निवास...

  • यस्तो छ कांग्रेसले सार्वजनिक गरेको 'स्थानीय तह निर्वाचनको घोषणापत्र'

    स्थानीय निर्वाचनका लागि नेपाली कांग्रेसको तयार पारेको चुनावी घोषणापत्र आज मंगलबार सार्वजनिक भएको छ। स्थानीय निर्वाचनको लागि तयार पारिएको घोषणापत्र...

  • चिनियाँ राष्ट्रपति सी जिनपिङ र भारतीय प्रधानमन्त्री नरेन्द्र मोदी

    ओबरमा भारतको हरियो बत्तीको खाँचो

    चिनियाँ अग्रसरताको एक पेटी एक मार्ग (ओबीओआर– ओबर) अर्थात् बेल्ट एण्ड रोड इनिसियटिभको प्रथम अन्तर्राष्ट्रिय सहयोग शिखर मञ्चको तयारी तीव्र हुँदै...