बजेट अभावले खल्लो बन्दै सातौँ राष्ट्रिय खेलकुद

२० करो‍ड दिन्छु भनेको सरकारले ८ करोड मात्रै दियो



फाइल फोटो

औपचारिक रुपमा अाजदेखि सुरु हुने पूर्वाञ्चलमा सुरु हुने सातौँ राष्ट्रिय खेलकुद प्रतियोगिताको चहलपहल उच्च बिन्दुमा पुगेको छ। प्रतियोगिता अन्तर्गतको महिला फुटबल सुनसरीको दुहवीमा २ पुसदेखि सुरु भईसकेको छ भने पुरुष फुटबलका खेलहरु पनि बिहीबारदेखि सुरु भइसकेका छन्। तर राष्ट्रिय खेलकुद परिषदसँग प्रतियोगिता सञ्चालन गर्नका लागि पर्याप्त बजेट नै छैन।

विभिन्न ३० खेलमा ३ हजार ९ सय ७२ खेलाडी सहभागी हुने प्रतियोगितामा १ हजार ७ सय ५३ पुरुष र १ हजार १ सय ६१ महिला खेलाडी सहभागी हुनेछन्। विराटनगरमा उद्घाटन हुने खेलका लागि खेलाडी, प्रशिक्षक लगायत खेलसँग सम्बन्धित व्यक्तिहरु पुग्ने क्रम अझै जारी छ।प्रतियोगितामा २ सय ६८ स्वर्ण २ सय ६८ रजत र ४१६ कास्य पदक गरी कुल ९ सय ५२ पदकका लागि प्रतिस्पर्धा हुनेछ। छैठौं राष्ट्रिय खेलकुद प्रतियोगितामा समावेश भएका खेल बाहेक खोखो, ट्रायथलन, सेपाकताक्रो र फेन्सिङ्ग खेललाई सातौँ राष्ट्रिय खेलकुदमा समावेश गरिएको छ।

प्रतियोगिता सम्पन्न गर्नका लागि सरकारसँग ३१ करोड रुपैयाँ माग गरिएकोमा पूरा रकम पाउन नसकेको परिषदको भनाइ छ। २० करोड सरकारले बजेट भाषणमा नै घोषणा गरेको भए पनि हालसम्म सरकारले ८ करोड मात्र उपलब्ध गराएको राखेप सदस्य सचिव केशव विष्टका प्रेस सल्लाहकार रोहित दाहालले बताए। उनले भने, ‘हामीले भने जति बजेट पाउन सकेनौँ तर राष्ट्रिय खेलकुद परिषदले मितव्ययी भएर प्रतियोगिता सम्पन्न गर्न कुनै कसर बाँकी छोड्नेछैन।’ उनले सुरुमा प्रतियोगिता सम्पन्न गर्न २३ करोड रुपैँया लागतको अनुमान गरिएकोमा खेल संख्यामा वृद्धि भएको तथा अन्य लागत बढ्न गई २८ करोड रुपैँया पुगेको जानकारी दिए। बाँकी रकम अर्थ मन्त्रालयसँग पुनः माग गरिने जानकारी उनले दिए।

यसपटक सुनसरी जिल्लामा सबैभन्दा धेरै खेल हुनेछन्। सुनसरीमा ११ खेल हुनेछन्। यस्तै मोरङमा १०, झापामा पाँच, सिरहा, धनकुटा, ललितपुर र कास्कीमा समान एक–एक खेल हुनेछ। प्रतियोगितामा समावेश खेलमध्ये सुनसरीमा फुटबल, एथलेटिक्स, तेक्वान्दो, कराँते, भलिबल, बास्केटबल, फुलकन्ट्याक्ट कराँते, महिला क्रिकेट, सेपाकताक्रो, साइक्लिङ सञ्चालन हुनेछन्। त्यसैगरी मोरङमा टेबलटेनिस, कपर्दी, उसु, ह्यान्डबल, हकी, सुटिङ, सफ्टटेनिस, पुरुष क्रिकेट, आर्चरी र खो–खो सञ्चालन हुनेछन्। झापामा जिम्न्यास्टिक, आइटिएफ तेक्वान्दो, जुडो, ब्याडमिन्टन र महिला तथा पुरुष बक्सिङ, ललितपुरमा स्क्वास र काठमाडौंमा फेन्सिङ खेल सञ्चालन हुनेछन्। थप गरिएका चार खेलमध्ये ट्रायथलन, सेपाकताक्रो र फेन्सिङ्ग पहिलो पटक राष्ट्रिय खेलकुद प्रतियोगितामा परेको हो राष्टिय खेलकुद परिषदले जनाएको छ।

प्रतियोगितामा महिला र पुरुष फुटबल १÷१, एथलेटिक्स ३६, पुरुष बक्सिङ १०, महिला ९, तेक्वान्दो १६, कराँते १७, महिला र पुरुष भारोत्तोलन १९, महिला र पुरुष भलिबल १÷१, टेबलटेनिस ७, महिला–पुरुष कपर्दी १÷१, कुस्ती ८, ब्याडमिन्टन ७, उसु २३, जुडो २१, महिला र पुरुष बास्केटबल १÷१, चेस २, महिला र पुरुष ह्यान्डबल १÷१ स्वर्णपदकका लागि खेलाडिहरुले प्रतिस्पर्धा गर्नेछन्।

यस्तै आइटिएफ २७, फुलकन्ट्याक कराँते १०, हकी १, पुरुष स्क्वास ३, महिला स्क्वास २, सुटिङ ८, जिम्न्यास्टिक १२, महिला र पुरुष लनटेनिस ६, सफ्टटेनिस ७, महिला र पुरुष क्रिकेट १÷१, साइक्लिङ २, आर्चरी ११, सेपाकटाक्रो ८, महिला र पुरुष खो–खो २ र फेन्सिङ खेलको ८ गरी २ सय ९४ स्वर्ण पदकको लागि प्रतियोगिता हुनेछ।

प्रतियोगितामा तीन विभागीय क्लब नेपाल आर्मी क्लब, नेपाल प्रहरी र सशस्त्र प्रहरीको एपिएफसहित पाँच विकास क्षेत्रले सहभागिता जनाउने छन्।

सातौं राष्ट्रिय खेलकुदमा सहभागी खेलाडीलाई राष्ट्रिय खेलकुद परिषद्ले एक दिनको १ हजार ४ सय रुपैयाँ भत्ता दिने भएको छ। खेलाडीले खाना र बस्ने व्यवस्था उक्त रकमबाट नै व्यवस्थापन गर्नुपर्ने छ। छैठौं राष्ट्रिय प्रतियोगितामा खेलाडीलाई दिनको ८ सय रुपैयाँ भत्ता दिइएको थियो।

तयारी पूरा नभएको भन्दै गत मंसिर ८ देखि १५ सम्म हुने भनिएको प्रतियोगिता स्थगित भएर पुस ८ देखि १५ को समय तोकिएको हो। यसैगरी बजेटको समस्या र मधेस आन्दोलनले गर्दा दुईपटक मिति घोषणा भएर पनि प्रतियोगिता स्थगित भएको थियो।
केही खेल सुरु भइसके पनि योजनाअनुरुप प्रतियोगिता सञ्चालन गर्नका लागि राष्ट्रिय खेलकुद परिषदसँग पर्याप्त बजेट नहुँदा प्रतियोगिता खल्लो हुनसक्ने खेल क्षेत्रका जानकारहरु बताउँछन्।

 

प्रकाशित ८ पुस २०७३, शुक्रबार | 2016-12-23 09:12:00

प्रतिकृया दिनुहोस

 

 

विचार

सुखद शुक्रबार

ब्लग

प्रविधि

रोचक

NepalKhabar Tweets

विशेष

  • पुण्यमति खोलामाथि परम्परागत झोलुङ्गे पुल र आधुनिक पुल

    पनौती फोटो यात्रा

    प्रदर्शनीमा राखिएका फोटोहरुले पनौतीको भूगोल, परिवेश, प्राकृतिक सम्पदा, वास्तुकला, मठ मन्दिर, गल्ली र मान्छेका फोटा मार्फत पनौतीको दैनिकी, वातावरण र...

  • सरकारलाई निर्देशन: पुनर्निर्माणमा अपुग ५८८ अर्ब तत्काल जुटाऊ

    ९ हजारको ज्यान लिनेगरी शक्तिशाली भूकम्प गएको दुई वर्ष पुग्न लाग्दा समेत पीडितले राज्य भएको अनुभूति गर्न नसकेकाले तत्काल प्रभावकारी कदम चाल्न...

  • आशा जगाउने सरगम

    यो घरमा विभिन्न कारणले अभिभावक गुमाएका र पारिवारिक रुपमा बिचल्लीमा परेका बालिकाहरुलाई घरेलु वातावरणमा हुर्काइएको छ। पारिवारिक वातावरणसँगै सङ्गीतमा...

  • प्रधानमन्त्री पुष्पकमल दाहाल प्रचण्डसँग भेट्दै अमेरिकी सेनाका एसिया प्यासिफिक कमान्डर ह्यारी, साथमा नेपालका लागि अमेरिकी राजदूत तेप्लिज

    नेपालमा अमेरिकाको बढ्दो सामरिक चासो

    संयुक्त राज्य अमेरिकाको दैनिक चासो यतिखेर अरब र युरोपतिरै छ। दक्षिण एसिया उसको पहिलो प्राथमिकतामा छैन, त्यसमा पनि नेपाल झन् चासोबाहिर भएको मानिन्छ।...