शोभराजसँग गोलघरमा चार महिनाः शोभराज शौचालय जाँदैन थियो



हामी डिल्लीबजार कारागारमा थुनिएका थियौं। ०६२ देखि राजनीतिक आस्थाको बन्दी थियौं। हामीमाथि ०६६ मा जेलकै गुन्डा लगाएर आक्रमण गरियो। हामी नराम्ररी घाइते भयौं। मेरो हात भाँचियो। वीर अस्पताल लगेर प्लास्टर गरिदिएर घाइते अवस्थामा नै हतकडी लगाएर हामी तीनजना आस्थाका बन्दीलाई सेन्ट्रल जेल लगे। रातको १० बजेको थियो। मलाई सीधै गोलघरमा हाले।

गोलघर जेलभित्रको जेल हो। गोलघरमा सातवटा कोठा छन्। एउटा कोठामा एकजना मात्र केदी राखिन्छ। एउटा कोठामा राखेर मलाई बाहिरबाट ताला लगाइदिए। रातभर भोकै भएँ। ओढ्ने–ओछ्याउने थिएन। चिसो छिँडिमा बस्नुपर्यो।

भोली पल्ट बिहान ९ बजे मात्र ढोका खोलिदिए। बाहिर निस्किएँ। साँघुरो ठाउँ। त्यहीँ बसेर दुईजना चेस खेलिरहेका। एउटाले रुखो स्वरमा सोध्यो, ‘कहाँबाट आइस् तँ? यसो हेरेँ। लामो कलाप पालेको। हेर्दै डरलाग्दो। उसले मलाई थर्काउने गरी सोधेको थियो। ‘डिल्लीबजार काराकारबाट, आस्थाको बन्दी हुँ,’मैले भने।

मुक्तान थेबा

‘माओवादी होस्?’ उसले सोध्यो। ‘हो’ भने। ‘देव गुरुङ’ चिन्छन्? फेरि सोध्यो। चिन्छु भने। भित्र गएर एउटा डायरी ल्यायो। ‘यहाँ देव गुरुङलाई कुटेर थिलो थिलो बनाउँदा तातोपानीले सेक्ने मै हुँ, जेल सार्दा छुटेको उसको डायरी अझै मसँग छ, पछि लगेर दिनू,’ उसले डायरी देखायो। पछि थाहा पाएँ, उ पञ्चायतदेखिकै गुन्डा विकास गुरुङ रहेछन्।कवि मुक्तान थेबाको संस्मरण आजको गज्जब साप्ताहिकमा प्रकाशित छ। 

डिल्लीबजारको घटनाबारे मेरो बयान लिन कारागार व्यवस्थापन विभागका महानिर्देशकसहितको टोली आयो। उनीहरु गएपछि गोलघरभित्रको कुवाछेउ घाम तापेर विकास गुरुङसँगै बसेको थिएँ। एउटा ‘स्मार्ट गेटअप’ को मान्छे बाहिर निस्कियो। ‘उ शोभराज आयो’ विकास गुरुङले भन्यो।

शोभराज सरासर हामीतिरै आयो।‘हलो माई न्यु फ्रेन्ड हाऊ आर यु?’ उसैले बोलायो। मैले परिचय दिएँ। ‘आई एम शोभराज’ उनले पनि निकै गर्वका साथ आफ्नो नाम लियो। अंग्रेजी निकै राम्रो रहेछ। निकैबेर कुरा भयो। म माओवादी भन्ने थाहा पाएपछि निकै खुसी भयो। 

गोलघरमा मलाई राखेको कोठाको ठीक सामुन्ने कोठामा उसलाई राखिएको थियो। भोलिपल्टदेखि उसको दिनचर्या थाहा पाउन थालेँ। अनौठो लाग्यो। उ रातको १२ बजे लामोलामो श्वास फेरको आवाज आउँथ्यो। उ राति १२ बजे जिम गथ्र्यो। उ चेस खेल्दा सधैँ कालो गोटी लिन्थ्यो।

सबैका कोठामा ९ बजे ताला लाग्ने। पिसाब गर्ने बट्टा भित्रै हुन्थ्यो। दिसा आए भाइ नाइकेलाई भनेर जान पाइन्थ्यो। तर, शोभराजले गोलघरको शौचालय कहिल्यै प्रयोग गरेन। दिउँसो पनि प्रयोग गर्दैन थियो। उ बट्टामा पिसाब फेथ्र्यो। पत्रिकामा दिसा गथ्र्यो र प्लास्टिकमा पोको पारेर फोहर फ्याँक्ने ड्रममा हालिदिन्थ्यो।

प्रकाशित २७ पुस २०७३, बुधबार | 2017-01-11 08:29:35

प्रतिकृया दिनुहोस

  • इन्धन चोरी नियन्त्रण गर्न लकिङ प्रणाली

    इन्धन चोरी नियन्त्रण गर्न आगामी जेठदेखि ट्यांकरमै लकिङ प्रणाली लागू गरिने भएको छ । नेपाल आयल निगमले इन्धन ढुवानी गर्दा बाटोमा हुने चुहावट रोक्नका...

  • अझै चार महिना राजधानीको धुलो नघट्ने

    धुलोरहित काठमाडौं बन्न अझै चार महिना लाग्ने भएको छ । योजनाअनुसार काम अघि बढे अबको चार महिनापछि काठमाडौं धुलोरहित बन्ने काठमाडौं महानगरपालिकाले...

  • सत्ता हस्तान्तरणको विषयले बढायो दाहाल-देउवाको मतभेद

    सरकारले व्यवस्थापिका संसद्मा दर्ता गरेको संविधान संशोधन विधेयक र स्थानीय तह निर्वाचनको विषयलाई लिएर सत्तारूढ दलभित्रै मतभेद सुरु भएको छ। प्रमुख...

  • यो हो भक्तपुरको सबैभन्दा जाम हुने क्षेत्र

    अरनिको रजामार्ग अन्तर्गत भक्तपुरको जगाती क्षेत्र जाम जोन बनेको छ। जिल्ला भरमा सबैभन्दा बढी जाम हुने क्षेत्रका रूपमा यो ठाउँ परिचित हुन थालेको छ।...

  • रसुवागढी नाका फेरि बन्द

    नेपालको चीनसँग सञ्चालनमा रहेको एकमात्र रसुवागढी नाका फेरि बन्द भएको छ। चीनले बाटो मर्मतको कारण देखाउँदै नाका बन्द गरेको रसुवा प्रहरीले जनाएको छ।...

  • अटेरी एनसेल

    एनसेलका प्रमुख कार्यकारी सिमोन पार्किन्स १ वर्षमै जिम्मेवारीबाट मुक्त हुँदैछन्। सूत्रका अनुसार उनले पदबाट राजीनामा गरिसकेका छन्। पार्किन्स...

 

सुखद शुक्रबार

ब्लग

प्रविधि

रोचक

NepalKhabar Tweets

विशेष

  • महानगरमा महिला मेयर उम्मेदवारद्वय भरतपुरमा रेणु दाहाल र काठमाडौंमा रञ्जु दर्शना

    को बन्ला त महानगरमा ‘म्याडम मेयर’?

    स्थानीय तहको निर्वाचन नजिकिँदै जाँदा महिला प्रतिनिधित्व सार्वजनिक चर्चाको विषय हुन थालेको छ। गाउँ वा नगरका प्रमुख वा उपप्रमुखमध्ये एक जना महिला...

  • धनी बन्नु छ? पहिले सडक बनाऊ

    सुधार र खुलापनपछि चीनले ठूलाठूला उपलब्धि हासिल गरेको छ। धेरै नेपाली साथीहरु त्यो उपलब्धिको रहस्य के हो भनेर सोधिरहन्छन्। चीनको यत्रो उपलब्धिको दुई...

  • कास्कीका कांग्रेस कार्यकर्ता निराश हुनुका यस्ता कारण

    स्थानीय तहको निर्वाचनमा आकांक्षीहरु धेरै भएपछि नेपाली काँग्रेस कास्कीलाई उम्मेद्वार सिफारिस गर्न हम्मेहम्मे भएको छ। कांग्रेसका कार्यकर्तालाई भने...

  • संविधान संशोधन विधेयकमा संशोधनको प्रस्ताव दर्ता गराउँदै प्रमुख सचेतक श्रेष्ठ व्यवस्थापिका संसद सचिवालय सिंहदरबारमा शनिबार राति

    मध्यरातमा संविधान संसोधनको संयुक्त प्रस्ताव दर्ता

    व्यवस्थापिका–संसद्मा सरकारले गरेको संविधान संशोधन प्रस्तावमाथि सत्तारुढ दल र मधेसी मोर्चाकातर्फबाट संयुक्त संशोधन प्रस्ताव दर्ता भएको छ।