पृथ्वीनारायण शाहको शालिक नभत्काउन प्रचण्डको कडा निर्देशन

‘क्यान्सर अस्पताल बाँदरको हातमा नरिवल बन्यो’



फाइल तस्बिर
फाइल तस्बिर

प्रधानमन्त्री पुष्पकमल दाहालले बीपी कोइराला मेमोरियल क्यान्सर अस्पतालको अवस्था बिग्रिँदै जानुमा अस्पतालका पदाधिकारी र कर्मचारीको कमजोरी रहेको बताएका छन्। भरतपुर उपमहानगरपालिकाको मंगलबार तेश्रो नगर परिषदको उद्घाटनका क्रममा प्रधानमन्त्री दाहालले अस्पतालका मेसिनहरु पुराना भएर केही समस्या भएपनि मुख्य समस्या त्यहाँ कार्यरत पदाधिकारी र कर्मचारी रहेको आरोप लगाए।

‘मैले क्यान्सर अस्पतालका बारेमा धेरै कुरा सुनेको छु,’ उनले भने, ‘सम्बन्धित मन्त्रालयका मन्त्रीसित छलफल गर्छु।’ क्यान्सर अस्पताल अहिले आफैं रोगी भएको धेरैले सुनाएको बताउँदै उनले भने, ‘अस्पतालमा जोसुकै आएपनि अरुको खुट्टा तान्नैपर्ने, सबैलाई समेटेर जानुको सट्टा अनावश्यक र अस्वस्थ्य प्रतिष्पर्धा गरेर सेवा प्रभावित बनेको हो।’

अस्पताल ‘बाँदरको हातमा नरिवल’ हुने हो कि भन्ने डर पैदा भएकाले समस्या समाधानका लागि नीतिगत निर्णय गरेर सुधारेरै छाड्ने प्रतिबद्धता उनले व्यक्त गरे। परिषदमा सहभागी वक्ताले क्यान्सर अस्पताललाई क्यान्सर लागेकोले त्यसको उपचार खोज्न दाहालसित आग्रह गरेपछि उनको यस्तो भनाई आएको हो।

प्रधामन्त्री दाहालले राजा पृथ्वीनारायण शाहको शालिक भत्काउनु पर्छ भन्दै हिँडेका आफ्ना पार्टी भित्रका कार्यकर्तालाई समेत त्यसो नगर्न कडा निर्देशन दिएको बताए। नगरपरिषदमा राप्रपाका नेता बद्रि तिमल्सिनाले पुस २७ गते पर्ने पृथ्वीनारायण शाहको जन्म जयन्तिका दिन बिदाको घोषणा गर्न आग्रह गरेका थिए। कान्तिपुर दैनिकमा खबर प्रकाशित छ।

‘पृथ्वीनारायण शाहको भूमिकालाई नकार्न सकिन्न,’ उनले भने, नेपाललाई केन्द्रिकृत बनाउन खेलेको भूमिकालाई सकारात्मक रुपमा लिनुपर्छ। पृथ्वीनारायणको भूमिकालाई नदेख्नु भनेको इतिहासको भौतिकवादी व्याख्या भन्दा बाहिर जानु र इतिहासको विकासको क्रमलाई इन्कार गर्नु हुन्छ।’

प्रकाशित २७ पुस २०७३, बुधबार | 2017-01-11 07:23:39

प्रतिकृया दिनुहोस

 

 

विचार

सुखद शुक्रबार

ब्लग

प्रविधि

रोचक

NepalKhabar Tweets

विशेष

  • श्री एयरलाइन्सको जहाज

    प्राधिकरणको अनुमति ढिलाइले श्री–एअरको जहाज क्यानडामै रोकियो

    नेपाल नागरिक उड्डयन प्राधिकरण (क्यान)ले अनुमति नदिँदा श्री एअरलाइन्सले ल्याउन लागेको दुई वटा जहाज क्यानाडामा रोकिएर बसेका छन्। तीन महिनादेखि बनेको...

  • अन्नपूर्णको फेदीमा आँखा अल्झँदा...

    नेपालको दशौँ अग्लो हिमाल अन्नपूर्ण (८०९१ मि) को आधार शिविर (४१३० मि) संसारभरमा परिचित छ। छपक्क हिउँले छोपिएको अन्नपूर्ण आधार शिविर मात्र होइन...

  • चीनसँग विगतमा भएका सम्झौता लागू गर्न प्रधानमन्त्री दाहाललाई विज्ञको सुझाव

    प्रधानमन्त्री पुष्पकमल दाहाल प्रचण्डलाई पूर्व प्रधानमन्त्री तथा चीन विज्ञहरुले चीनले अघि सारेको वान बेल्ट वान रोड–ओबीओआरको समझदारी पत्रमा हस्ताक्षर...

  • खैरेनी बनले हर्यो पर्यटकको मन

    अठार हेक्टर क्षेत्रफलमा फैलिएको खैरेनी सामुदायिक वनमध्ये १२ हेक्टर क्षेत्रफललाई नदीले चारैतिरबाट टापु आकारमा घेरेको छ। नदीले घेरेको वनलाई सानो...