एमाले सांसद् पिके राईको व्यवहारले स्थानीय रुष्ट



स्थानीय तह पुनःसरंचना आयोगले सरकार समक्ष बुझाएको प्रतिवेदनको विरोध गरेको भन्दै एमाले सांसद् पाँचकर्ण राई(पिके राई)सँग स्थानीयवासी रुष्ट बनेका छन्। खोटाङ जिल्लाको हकमा आयोग प्रतिवेदनले गरेको सिफारिस सही भएकोले त्यसको विरोध नगर्न सांसद् राईलाई स्थानीयहरुले चेतावनीसमेत दिएका छन्।

स्थानीय जनताको मर्म र भावना विपरित तानाशाही शैलीमा प्रभुत्व जमाउने उद्देश्यले आयोगको सिफारिसको विरोध गरिरहेको स्थानीयहरुको आरोप छ। उत्तेजित कार्य गरी आयोगमा तर्साउने र खोटाङको सभ्यताको रुपमा रहे्को रावाखोला सभ्यताको भूगोल र आदिमकालदेखि सभ्य रुपमा बस्दै आएका एक दर्जनभन्दा बढी जातजातिको भावना विपरित भूगोललाई चिरा पारी आफ्नो राजनीतिक अभिष्ट पुरा गर्ने स्वार्थमा सांसद राई लागेकाले आफूहरु उनको विरोधमा उभिन बाध्य भएको खार्पाका एक स्थानीयले बताए।
आयोगले स्थानीय प्राविधिक समितिको सिफारिस विपरित लामिडाँडा गाउँपालिकालाई नमानेर बुइपासहित मौरे गाउँपालिका बनाउनुपर्ने भन्दै सांसद् राईले दबाब दिइरहेका छन्। उक्त गाउँपालिका बनाउँदा रावा वेसीका आठ वटा गाविसलाई अपायक पर्ने हुन्छ। तर सांसद पिके राईले बुइपामा रहेको वर्चस्व कायम राख्न बुइपासहित मौरे गाउँपालिका बनाउनुपर्ने पक्षमा छन्। स्थानीयवासीले भने कसैको दवावमा अहिलेको निर्णय नउल्टान आयोगलाई समेत चेतावनी दिइसकेका छन्। सो क्षेत्रमा राईको बाहुल्यता भएका कारण सांसद राईले जातीय द्वेष फैलाउने प्रयासमा लागेको स्थानीयको आरोप छ।
‘सरकारले गलत काम गर्दा त खबरदारी राख्ने यस भेगका जनतालाई कम आँक्ने सांसद त के जो कोहीलाई पनि कसरी ठिक लगाउनु पर्छ यस भेगका जनतालाई राम्रै राजनीतिक ज्ञान छ’, रावावेसी गाउँपालिका बनाउने अभियानका संयोजक फटिक श्रेष्ठले खार्पा गाउपरिषद्को कार्यक्रमलाई संवोधन गर्दै भने, ‘हामी हरेक गाउँपरिषदवाट आयोगले गरेको निर्णयलाई अनुमोदन गर्ने छौँ। हामी विधि अनुरुप अगाडि बढेका छौँ।’
परिषदले सांसद् पिके राईलाई सभ्य र मर्यादित रुपमा जनताको मताधिकार प्रयोग गर्न सबै क्षेत्रबाट सुझाव दिने निर्णय गरेको छ। आयोगको निर्णयलाई जाँड खाएर गरेको निर्णय भन्ने सांसदले अमर्यादित शब्द प्रयोग गर्दा उल्टै उनले नै मदिरा सेवन त गरेका थिएनन् भन्ने प्रश्न उठेको छ। यसले आयोगप्रति लगाएको आरोपबाट आयोगको मानहानी हुने काम भएको छ।

प्रकाशित २८ पुस २०७३, बिहिबार | 2017-01-12 15:27:37

प्रतिकृया दिनुहोस

 

 

विचार

सुखद शुक्रबार

ब्लग

प्रविधि

रोचक

NepalKhabar Tweets

विशेष

  • काँग्रेसमा केन्द्रीय कार्यसम्पादन समिति गठन

    नेपाली काँग्रेसले महाधिवेशन भएको एक वर्षपछि ‘केन्द्रीय कार्यसम्पादन समिति’ गठन गरेको छ। आइतबार पार्टी केन्द्रीय कार्यालय सानेपामा सुरु भएको...

  • चीनसँगको कनेक्टिभिटी नेपालको पहिलो प्राथमिकताः प्रधानमन्त्री दाहाल

    नेपाल भएर दक्षिण एशियासँग जोडिंदा चीनलाई बढी लाभ हुने बताउँदै दाहालले यो क्षेत्रको विकासको लागि सबैभन्दा सुनौलो अवसर भएको टिप्पणी गरे।...

  • साडी, स्वीटर र ब्लाउजमा बुट्टा भर्ने तथा कढाइ गर्ने सीप सिकिरहेका एकल जीवन बिताउँदै आएका रोल्पाका महिला

    सीप सिकेर जीवन बदल्ने प्रयास गर्दैछन् रोल्पाका यी एकल महिला

    उमेर नपुग्दै विवाह गर्ने चलन रोल्पामा अझै घटेको छैन। सानै उमेरमा विवाह गर्ने अनि उमेर छिपिँदै गएपछि पारिवारिक समस्या देखाएर सम्बन्ध विच्छेद...

  • परासर आश्रमतनहुँको सेती र मादी नदीको किनारमा अवस्थित परासर आश्रम

    पर्यटकीय स्थलमा बदलिँदै छ व्यास क्षेत्र

    पर्याप्त सम्भावना रहेर पनि प्रचारप्रसार एवम् पूर्वाधार विकासका दृष्टिले ओझेलमा परेको यस क्षेत्रलाई व्यास क्षेत्र विकास कोष तनहुँको सकृयतामा करिब २७...