ट्रम्पका व्यापारी ज्वाँइ ह्वाइटहाउसको प्रमुख सल्लाहकारमा नियुक्त



अमेरिकी राष्ट्रपतिनिर्वाचित डोनल्ड ट्रम्पले आफ्ना ज्वाइँ ज्यारेड कुश्नरलाई ह्वाइट हाउसको एक प्रमुख सल्लाहकारमा नियुक्ति गर्ने घोषणा गरेका छन्। उनलाई घरेलु तथा विदेश नीति सल्लाहकारमा नियुक्ति गरिएको बताइएको छ।

उनको नियुक्तिमा सिनेटको अनुमोदन आवश्यक नपर्ने हुँदा बाहिर जति नै विरोध आएपनि ट्रम्पले आफ्ना ज्वाँइलाई सल्लाहकार बनाउन कुनै रोकतोक नहुने बताइएको छ। ट्रम्पले आगामी साता अमेरिकाको ४५ औँ राष्ट्रपतिको रुपमा शपथग्रहण गर्दैछन्। आफ्नो प्रशासनलाई परिवारभित्रैबाट चलाउन खोजेको आरोप लागेपनि उनले यसको प्रष्टीकरण भने दिएका छैनन्।

कुश्नर घरजग्गा करोबारी हुन्। व्यवसायिक पृष्ठभूमिका ट्रम्पको ज्वाँइसित निकै कुरा मिल्ने गरेको बताइएको छ। चुनावको बेला कुश्नरले आफ्ना ससुरालाई दिलोज्यानले सहयोग गरेका थिए। चुनावी रणनीति, खासगरी डिजिटल रणनीति बनाउन उनको भूमिका बढी थियो। ३५ वर्षीय कुश्नर ट्रम्पकी छोरी इभान्काको श्रीमान् हुन्।

अमेरिकी संघीय कानूनहरुले सरकारी कर्मचारीलाई नाफामुखी व्यवसायमा संलग्न हुन प्रतिबन्ध लगाएको छ। कुश्नरका वकिलले व्हाइट हाउसको नियुक्ति स्वीकार गर्दा उनले परिवारको घरजग्गा व्यवसाय प्रमुखको पदबाट राजीनामा दिने र व्यवसायबाट आफूलाई अलग गर्ने जनाएका छन्।

तर विश्लेषकहरु त्यसो गर्नु सजिलो नभएको बताउँछन्। ट्रम्प परिवारले घरजग्गा व्यवसायको साम्राज्य खडा गरेका छन्, जुन आफ्नो हातबाट सहजै छोड्ने अवस्था आउन सक्दैन। व्यवसायलाई चटक्कै छाड्न नसकिने हुँदा यो नियुक्ति प्रकरणमा ट्रम्प सपथग्रहणसँगै विवादमा मुछिने देखिएको छ। नातावादविरोधी अमेरिकी कानून र व्यवसायिक स्वार्थ पृष्ठभूमिका टकरावको कारण यो नियुक्ति विवादमा तानिने देखिन्छ।

यता, ट्रम्पको टोलीका सदस्यहरुले नातेदारलाई सरकारी जागिरमा नियुक्त गर्न नपाइने कानून व्हाइट हाउसका पदमा हुने नियुक्तिका हकमा लागू नहुने जिकिर गर्छन्।

प्रकाशित २७ पुस २०७३, बुधबार | 2017-01-11 10:00:55

प्रतिकृया दिनुहोस

 

सुखद शुक्रबार

ब्लग

प्रविधि

रोचक

NepalKhabar Tweets

विशेष

  • काठमान्डौ को रक्तकालीमा स्थित ६ तल्लाको घर गर्लम्म ढलेपछिको बिहान छिमेकी दैनिकी पूजा गर्दै| यो घर बैसाख २९ को दोश्रो पराकम्पनपछि ढलेको थियो, तर त्यहाँ कुनै मानवीय क्षति भने भएन|

    भूकम्प स्मृतिः वैशाख १२ का यी १२ तस्‍विर

    ठीक दुई वर्षअघि २०७२ साल वैशाख १२ गते गएको महाभूकम्पमा ८ हजार ७ सय ९० जनाले ज्यान गुमाएका थिए। भूकम्पमा परी हजारौं मान्छे घाइते भएका थिए, लाखौं घर...

  • बच्चाले ‘गर्छ’ सिक्तैन

    शिक्षाविदहरू जतिखेर पनि ‘सीप’ को कुरा गरिरहेका हुन्छन् : पढाइको सीप, लेखाइको सीप, सम्प्रेषणको सीप, हुँदाहुँदा सुनाइको सीप। कुनै मुश्किल काम...

  • भुइँचालोपछि राहत पर्खिरहेका सर्वसाधरण (फाइल फोटोः पालनी मोहन)

    भूकम्पः वर्ष दोस्रो, किस्ताः न पहिलो न दोस्रो

    राष्ट्रिय पुनःनिर्माण प्राधिकरणले अनुदान वितरणको १४ महिना बिताइसक्दा पनि सबै पीडितले पहिलो किस्ता पाउन सकेका छैनन्। दुई वर्षअघि वैशाख १२ गते गएको...

  • तेल चोरी रोक्न जेठ १ बाट ट्यांकरमा 'लकिङ सिस्टम'

    ‘नेपाली ट्यांकरमा अटोमेटिक लकिङ सिस्टम जडान गर्ने विषयमा भारतले पनि सहमति जनाएको छ,’ आपूर्ति विभागका डाइरेक्टर तथा निगमका प्रवक्ता पोखरेलले...