श्रीलंकाली राष्ट्रपतिले छिट्टै नेपाल भ्रमण गर्ने



श्रीलंकाका राष्ट्रपति मैत्रिपाला सिरिसेनाले छिट्टै नेपाल भ्रमण गर्ने नेपालका लागि श्रीलंकाका राजदूत डब्लुएस पेरेराले बताएका छन्। नेपाल र श्रीलंकाबीच दौत्य सम्बन्ध स्थापनाको ६०वर्ष पुगेको अवसरमा श्रीलंकाली राष्ट्रपति सिरिसेनाले नेपाल भ्रमण गर्ने भएका हुन्।

नेपाल र श्रीलंकाबीच दैत्य सम्बन्ध स्थापना भएको अर्को वर्ष ६०औँ वर्ष पुग्दैछ। मंगलबार उपप्रधान तथा गृहमन्त्री विमलेन्द्र निधिसँगको भेटमा श्रीलंकाका राजदूत पेरेराले राष्ट्रपति सिरिसेनाले छिटै नेपाल भ्रमण गर्न चाहेको जनाएका हुन्।

गृह मन्त्रालयमा मंगलबार भएको भेटमा दुई देशबीचको सम्बन्ध र आपसी हितका विषयमा कुराकानी भएको गृहमन्त्रीको निजी सचिवालयले जनाएको छ।

भेटका क्रममा राजदूत पेरेराले गत वर्षको भूकम्पबाट क्षति भएको आनन्दकुटी विहार र रातो मच्छेन्द्रनाथको मन्दिर श्रीलंका सरकारले पुनःनिर्माण गर्ने जानकारीसमेत गराएका थिए।

सो अवसरमा उपप्रधानमन्त्री निधिले भगवना गौतम बुद्धको जन्मस्थल लुम्बिनी भ्रमणमा आउने श्रीलंकाली पर्यटकको सङ्ख्या वृद्धि गर्न राजदूतावासबाट आवश्यक समन्वय गरिदिन आग्रह गरेका थिए। त्यस्ता भ्रमणले दुई देशबीच जनस्तरसम्ममा सम्बन्ध प्रगाढ बन्दै गएको निधिले बताएका थिए। उपप्रधानमन्त्री निधिले भूकम्पपछिको पुनःनिर्माणलगायत विभिन्न क्षेत्रमा श्रीलंकाले गरेको सहयोगको सराहना गर्दै विकासमा श्रीलंकाको साझेदारीका लागि आग्रह गरेका थिए। रासस

प्रकाशित २६ पुस २०७३, मंगलबार | 2017-01-10 20:23:41

प्रतिकृया दिनुहोस

विचार

सुखद शुक्रबार

ब्लग

प्रविधि

रोचक

NepalKhabar Tweets

विशेष

  • दलहरुबीच सहमति जुट्न नसक्दा संसद बैठक भोलीसम्मलाई स्थगित

    एकपछि अर्को गर्दै मंगलबार तेस्रोपटक सारिएको व्यवस्थापिका–संसद्को बैठक भोलीसम्मका लागि स्थगित भएको छ। बिहान ११ बजे बोलाइएको बैठक दिउँसो ३ बजे हुँदै...

  • घरदैलो कार्यक्रममा निरुपमा यादव

    काठमाडौं मधेसलाई माया गर्छः निरुपमा यादव

    नेवार समुदायको बाहुल्य रहेको काठमाडौं महानगरपालिकाको उपमेयर पदमा उम्मेदवारी दिँदा निरुपमा यादव केही हच्किएकी थिइन्। उनी संलग्न साझा पार्टी पनि नयाँ...

  • विराटनगर र वीरगन्ज अब महानगर, मधेसमा थपिए २२ स्थानीय तह

    मन्त्रिपरिषद् बैठकले स्थानीय तहको संख्या बढाउने निर्णय गरेको छ। स्थानीय तहको संख्या र सीमानामा हेरफेर गर्दै सरकारले तराईका २ उपमहानगरलाई महानगर र...

  • नयाँ मेयरलाई २० बर्ष पुरानो गाडी

    पोखरा आउने विशिष्ट पाहुना र नगरपालिकाका कार्यकारीले यो गाडी प्रयोग गर्थे। ‘निसान कम्पनीको जापानी प्याट्रो गाडी नयाँ मेयरका लागि व्यवस्था गरेका...