प्रकाशकीय

नेपालखबरको हङकङ संस्करण सुरु



हङकङ संस्करण नेपालखबरको पहिलो अन्तर्राष्ट्रिय संस्करण हो। आफ्नो घेरा र गुणस्तर अझ् बढाउँदै हामीले थप संस्करणहरू ल्याउने लक्ष्य राखेका छौँ।

नेपालखबरले आज छ महिना पूरा गरेको छ। यो अवधिमा हामीले पाठकलाई नयाँ खबर, विश्लेषण र गम्भीर विषयका सामाग्री बाँड्ने प्रयास गरेका छौँ। पाठकबाट हामीले धेरै सुझाव र प्रतिक्रिया पाएका छौँ, जसले हामीलाई थप अगाडि बढ्न प्रेरित गरेको छ।

छोटो अवधिमै नेपालखबर नेपालीबीच लोकप्रिय अनलाइन पत्रिकाको रुपमा स्थापित भएको छ। आफ्नो घेरा फराकिलो बनाउँदै जाने क्रममा थप संस्करण सुरु गर्ने प्रतिबद्धता अनुरुप हामीले आजैदेखि नेपालखबरको हङकङ संस्करण सुरु गरेका छौँ।

नेपालखबरले यो अवधिमा मूलतः हङकङ, बेलायत, अमेरिका, भारत र चीनमा रहेका नेपालीलाई जोड्ने प्रयास गरेको छ। र, हामी अन्य देशमा विस्तार हुने क्रममा छौँ। हङकङका नेपालीबीच नेपालखबर सुरुदेखि नै लोकप्रिय बनेको छ। पाठकको यही विश्वासले हामीलाई हङकङ संस्करण सुरु गर्न उत्प्रेरित गरेको हो।

नेपालखबरको हङकङ संस्करण हङकङमा नेपालीले सञ्चालन गर्ने पहिलो व्यवसायिक अनलाइन पत्रिका हो। हङकङमा रहेका व्यवसायिक नेपाली पत्रकारहरूको टिमले हङकङ संस्करण सञ्चालन गर्नेछ। आज हङकङ संस्करण जुन रुपमा सुरु भएको छ, यो प्रारम्भिक स्वरुप मात्र हो। हामी यसलाई अझै परिष्कृत बनाउँदै हङकङका नेपालीबीच नयाँ खबर र सूचनाको भरपर्दो अनलाइन बनाउने छौँ। यसमा हामीले सदा झैँ पाठकको साथ र सुझावको अपेक्षा राखेका छौँ।

हङकङ संस्करणले मूलतः चीनको विशेष प्रशासनिक क्षेत्र हङकङ, मकाउ र आसपासका नेपाली समुदायका गतिविधिलाई समेट्ने छ। साठीको दशकमा जब बेलायती सेनामा गोर्खा फौजका रुपमा नेपालीहरू हङकङ पुगे, त्यसयता हङकङसँग नेपाली साइनो निरन्तर रही आएको छ। पछिल्लो समय नेपाली कला र साँस्कृतिक गतिविधिमा हङकङ अग्र स्थानमा आउँछ।

हङकङस्थित नेपाली समुदायका व्यापार व्यवसाय, नेपाली कला र सांस्कृतिक गतिविधि, नेपाल र हङकङबीच हुने वाणिज्य र व्यापार तथा पर्यटन र सांस्कृतिक आदानप्रदानलाई हामी खबर र विश्लेषणका रुपमा बाँड्ने छौँ। हङकङका नेपाली मूलतः सिपमूलक काममा संलग्न छन् र राम्रो आय भएका नेपालीमध्ये पर्छन्। हङकङमा आर्जन गरेको सिप र पूँजी नेपाल भित्र्याउन तथा यहाँ हुर्कंदै गरेको नयाँ पुस्तालाई नेपालसँग जोड्न हामी उत्प्रेरकको भूमिका खेल्ने छौँ।

छ महिना पूरा भएको अवसरमा हामी फेरि दोहोर्‍याउन चाहन्छौँ, नेपालखबरले सत्य–तथ्यमा आधारित सन्तुलित पत्रकारिता गर्ने क्रममा कसैसँग सम्झौता गर्ने छैन। राष्ट्रियता र राष्ट्रहित, लोकतन्त्रका मूल्य–मान्यता, आर्थिक–सामाजिक परिवर्तन र नागरिक अधिकारप्रति नेपालखबर सधैँ प्रतिबद्ध रहने छ।

हङकङ संस्करण नेपालखबरको पहिलो अन्तर्राष्ट्रिय संस्करण हो। आफ्नो घेरा र गुणस्तर अझ् बढाउँदै हामीले थप संस्करणहरू ल्याउने लक्ष्य राखेका छौँ।

नयाँ खबर र विश्लेषण सहित नेपालखबर सधैँ तपाईसँगै हुनेछ।

प्रकाशित २४ पुस २०७३, आइतबार | 2017-01-08 18:38:11

प्रतिकृया दिनुहोस

  • धनी बन्नु छ? पहिले सडक बनाऊ

    सुधार र खुलापनपछि चीनले ठूलाठूला उपलब्धि हासिल गरेको छ। धेरै नेपाली साथीहरु त्यो उपलब्धिको रहस्य के हो भनेर सोधिरहन्छन्। चीनको यत्रो उपलब्धिको दुई...

  • तस्बिर साभारः इम्पुल्सो डट कम

    डलर खेती नराम्रो काम हो?

    कामको सट्टा रिपोर्टको कागजी घोडा कुदाउन, हिसाबकिताब गोप्य तवरमा खुसुक्क मिलाएर दाता बाहेक कसैलाई नदेखाउन र बोलीमा एउटा काममा अर्को अर्थात् दोहोरो...

  • वसन्त जस्तो छैन कोरिया

    ‘उत्तर कोरियाली सरकारको मुख्य उद्देश्य कम्युनिस्ट शासन बलियो बनाउनु हो’, कम्युनिस्ट सरकारले सपना देखाएको तर त्यो पुरा नहुँदा असन्तुष्टी बढेको...

  • चिनियाँ राष्ट्रपति सी जिनपिङ र भारतीय प्रधानमन्त्री नरेन्द्र मोदी

    ओबरमा भारतको हरियो बत्तीको खाँचो

    चिनियाँ अग्रसरताको एक पेटी एक मार्ग (ओबीओआर– ओबर) अर्थात् बेल्ट एण्ड रोड इनिसियटिभको प्रथम अन्तर्राष्ट्रिय सहयोग शिखर मञ्चको तयारी तीव्र हुँदै...

  • पेन्टिङः लियोनिद आफ्टरमुभ

    सपिङ सेलिब्रेसन

    हालसालैको घटना हो। एउटा सपिङ सेन्टरको बाटो भएर पैदल हिँड्दै थिएँ। भर्खरै खरिद गरेका थुप्रै सामान सम्हाल्न खोज्दै एउटा जोडी सडकपेटीतिर आउँदै गरेको...

  • अर्थ मन्त्रालय

    सरकार बनाउँछन् पार्टीले तर बजेट कर्मचारीले

    नेपालमा धेरैपटक राजनीतिक परिवर्तन भइसक्यो। पञ्चायत ढल्यो, राजतन्त्रै ढल्यो, बहुदलीय व्यवस्था पनि बदलियो। तर हाम्रो आर्थिक नीति र आर्थिक कार्यक्रम...

 

सुखद शुक्रबार

ब्लग

प्रविधि

रोचक

NepalKhabar Tweets

विशेष

  • महानगरमा महिला मेयर उम्मेदवारद्वय भरतपुरमा रेणु दाहाल र काठमाडौंमा रञ्जु दर्शना

    को बन्ला त महानगरमा ‘म्याडम मेयर’?

    स्थानीय तहको निर्वाचन नजिकिँदै जाँदा महिला प्रतिनिधित्व सार्वजनिक चर्चाको विषय हुन थालेको छ। गाउँ वा नगरका प्रमुख वा उपप्रमुखमध्ये एक जना महिला...

  • धनी बन्नु छ? पहिले सडक बनाऊ

    सुधार र खुलापनपछि चीनले ठूलाठूला उपलब्धि हासिल गरेको छ। धेरै नेपाली साथीहरु त्यो उपलब्धिको रहस्य के हो भनेर सोधिरहन्छन्। चीनको यत्रो उपलब्धिको दुई...

  • कास्कीका कांग्रेस कार्यकर्ता निराश हुनुका यस्ता कारण

    स्थानीय तहको निर्वाचनमा आकांक्षीहरु धेरै भएपछि नेपाली काँग्रेस कास्कीलाई उम्मेद्वार सिफारिस गर्न हम्मेहम्मे भएको छ। कांग्रेसका कार्यकर्तालाई भने...

  • संविधान संशोधन विधेयकमा संशोधनको प्रस्ताव दर्ता गराउँदै प्रमुख सचेतक श्रेष्ठ व्यवस्थापिका संसद सचिवालय सिंहदरबारमा शनिबार राति

    मध्यरातमा संविधान संसोधनको संयुक्त प्रस्ताव दर्ता

    व्यवस्थापिका–संसद्मा सरकारले गरेको संविधान संशोधन प्रस्तावमाथि सत्तारुढ दल र मधेसी मोर्चाकातर्फबाट संयुक्त संशोधन प्रस्ताव दर्ता भएको छ।