माओवादी मुख्यालयमा कलाको कन्तविजोग


सन्देश दुमरु

जे गोदाममा थन्काउनुपर्ने हो, ती स्टल–स्टलमा भेटिनु। अनि जे भित्तामा सजाउनुपर्ने हो, ती बोरा र गोदाममा खाँदिनु! माओवादी पार्टीको यस्तो कन्तविजोग कलाक्षेत्रले पनि बेहोरेको छ।

पेरिसडाँडाको स्टोरभरि पेन्टिङ कच्याककुचुक भएर लडिरहेका छन्

नेकपा (माओवादी केन्द्र)को हेडक्वार्टर पेरिसडाँडा जानुस्– क्यानभास झुन्डिरहेको देखिन्छ कतै शौचालय छेउमा, कतै चमेना गृहमा। अलि धेरै थन्किएको छ स्टोर रुममा। स्टोरभरि पेन्टिङ कच्याककुचुक भएर लडिरहेका छन्। फोहर फ्याँक्ने भाँडानिर पनि पेन्टिङ देखिन्छ। नुहाउने बाथरुमतिर पनि लुगा सुकाइएका छैनन्, पेन्टिङ उँधोमुन्टो लगाइरहेका छन्।

माओवादी केन्द्रीय कार्यालयका मुख्य सचिव प्रल्हाद बुढाथोकी पेन्टिङलाई त्यसरी अलपत्र राख्ने मनसाय आफूहरूको नभएको बताउँछन्। उनी पेन्टिङ कहाँनिर कसरी राख्ने भन्ने योजना नबनेका कारण गोदाममा लगेर थन्क्याउनु परेको बताउँछन्।

‘माओवादी पार्टी कलाको सौन्दर्य नबुझ्ने पार्टी त होइन,’ नेपालखबरसँग उनले भने, ‘हामी छिट्टै यसलाई व्यवस्थित गर्नेछौं।’

२०६५ सालमा अखिल नेपाल ललितकला संघको आयोजनामा भएको राष्ट्रिय ललितकला कार्यशालामा ५० जनाभन्दा बढी कलाकारले निशुल्क चित्र कोरेका थिए। पार्टी अध्यक्ष तथा त्यतिबेलाका प्रधानमन्त्री पुष्पकमल दाहाल ‘प्रचण्ड’ले पनि चित्रै कोरेर कार्यशाला उद्घाटन गरेका थिए।

आयोजक संस्थाका अध्यक्ष ललितकलाकर्मी तथा पत्रकार देवेन्द्र थुम्केली अहिले चित्रकला बेहालमा परेको देखेर चिन्ता व्यक्त गर्छन्। भन्छन्, ‘पेन्टिङ अलपत्र हुनु राम्रो होइन, पार्टीको यसमा ध्यान पुग्ने आशा गरौँ।’ उनले कसैलाई दोष दिन भने चाहेनन्।

संस्कृतिकर्मी तथा माओवादी केन्द्रका पोलिटब्युरो सदस्य बलराम तिमल्सिना चित्रकला अलपत्र पर्नु राम्रो नभएको स्वीकार्छन्। ‘पार्टीमा कलाको सौन्दर्यमूल्य नबुझ्ने मान्छे भएकाले त्यस्तो भएको होइन’, तिमल्सिनाले भने, ‘सबैले कला बुझ्छन् भन्ने होइन, सबैले सबै कला नबुझ्न पनि सक्छन्। गीतको क्यासेट भएको भए मानिसले तुरुन्तै लान्थे। चित्रकारिताको विज्ञान बुझ्न कमजोरी नै भयो।’

उनी अलपत्र परेको पेन्टिङको जिम्मा पार्टीका संस्कृतिककर्मीहरूले लिनुपर्ने बताउँछन्।

कलाकारहरूले आफ्ना सपना–विपना र विचार–दृष्टिकोण अभिव्यक्त गर्ने माध्यम कलालाई नै बनाएका हुन्छन्। तर, राजनीतिक पार्टी र नेताहरूले त्यसको मर्म सही ढंगले बुझ्दैनन् भन्ने उदाहरण बनेको छ पेरिसडाँडाको पेन्टिङ स्टोर।

प्रकाशित २२ पुस २०७३, शुक्रबार | 2017-01-06 16:23:04
author photo

राजु स्याङ्तान नेपालखबर संवाददाता हुन्

@RajuSyangtan

राजु स्याङ्तानबाट थप


प्रतिकृया दिनुहोस

  • शक्ति र गरिबी दुवैले जीवनलाई जादुमयी बनाउँदैन

    बलिउड अभिनेता शाहरुख खानले 'द फ्युचर यु' थिममा क्यानडाको भ्यानकुभरमा आयोजित यस वर्षको टेड कन्फेरेन्समा दिएको मन्तव्यको भावानुवाद। त्यहाँ उनले...

  • साहित्यकार श्यामप्रसाद शर्मा

    देवकोटाले भन्थेः श्यामप्रसादसँग जोगिऔँ है!

    साहित्यकार श्यामप्रसाद शर्मा (१९८६-२०७४)को आइतबार निधन भएको छ। प्रगतिशील लेखक संघ नेपालका संस्थापक अध्यक्ष समेत रहेका शर्माका साहित्य, विचार र... मनमोहन अधिकारीका बाबु रामचन्द्र अधिकारी नै मेरो घरमा वीरगन्जमा डेरा गरेर बसेका थिए। उहाँहरू चाहिँ अघिदेखि नै राजनीतिमा लागेका मान्छेहरू...

  • अभिनेत्री श्वेता खड्का

    समाजसेवातिर श्वेता

    माघको अन्तिम सातासम्म सिन्धुपाल्चोक, ठूलो सिरुबारीको माझी गाउँको अवस्था निकै दर्दनाक थियो। माझीहरुको ६२ घरको झुन्ड रहेको त्यहाँ भूकम्पपछि एउटा घर...

  • कवि तथा निबन्धकार भूपिन

    'म जीवन शर्माका गीतको ठूलो प्रशंसक हुँ'

    कवि भूपिन अहिले उपन्यास लेख्ने एकान्तमा छन्। कविता र निबन्ध गरेर उनका पाँच पुस्तक प्रकाशित छन्। उनको पछिल्लो कविता-पुस्तक ‘सुप्लाको हवाइजहाज’ हो।...

  • रङ्गमञ्चमा जयमायाको दुःखमय सङ्गीत

    ‘जयमाया आफूमात्र लिखेपानी आइपुगी’ दोस्रो विश्वयुद्धमा जापानले बर्मामाथि हमला गरेपछि त्यहाँबाट भारतको असामतर्फ विस्थापित बर्मेली नेपालीहरूको कथा हो।...

  • 'वर्ल्ड अर्डर' नामक पुस्तकका लेखक तथा कूटनीतिज्ञ हेनरी किसिन्जरका साथ सी जिनपिङ

    गोथे, सुजेङ, हेमिङवे, तोल्स्तोय पढ्छन् चिनियाँ राष्ट्रपति

    चिनियाँ सरकारी सञ्चारमाध्यमहरु सिन्ह्वा तथा चाइना डेलीका अनुसार राष्ट्रपति सी एक उत्सुक पाठक हुन्। आफ्ना भाषणमा पटकपटक कन्फ्युसियसको भनाइलाई उधृत...

विचार

सुखद शुक्रबार

ब्लग

प्रविधि

रोचक

NepalKhabar Tweets

विशेष

  • कांग्रेसलाई रोक्न जोसँग पनि तालमेल गर्ने एमाले रणनीति

    एमाले नेताहरुले t उपेन्द्र यादव र विजय गच्छदारसँग तालमेलका लागि विमर्श सुरु गरेका छन्। ‘मधेसमा जोसँग मिल्दा हामीलाई फाइदा हुन्छ त्योसँग मिल्ने नीति...

  • माला पहिरन ठिक्क परेका महा-मेयर

    यसअघि नै दुई–दुई पटकसम्म वडा अध्यक्ष भएर काम गरेका शाक्य काठमाडौंका लागि पार्टीका कुशल संगठक पनि हुन्। उम्मेदवार मात्र नभएर पार्टीको एउटा संगठकले...

  • नवनिर्वाचित मेयर मानबहादुर जिसी

    महानगर हाँक्ने मानबहादुर

    क्याम्पस पढ्न एक ठिटो झोला भिरेर सहर आइपुग्यो। उच्च शिक्षा लिन गाउँबाट सहर आइपुगेको तन्नेरीले मनको चर्खा पढाइमा भन्दा अन्तै घुमाइरहेको थियो। उसलाई...

  • ‘देउवालाई नचिनेर पनि चुनाव जितिँदोरहेछ’

    कुराकानी पछि छुट्टिने बेला चिरिबाबु भन्दै थिए, ‘ चिरिबाबुले ललितपुरका सांस्कृतिक सम्पदाहरु जोगाएरै विकास गर्ने छ, विकासका नाउँमा जथाभावी गर्ने छैन,...