दुर्लभ बाजाहरूको सुलभ सङ्ग्रहालय (फोटोफिचर)

लोक बाजा सङ्ग्रहालयले गाउँगाउँबाट पुराना बाजा खोजेर सङ्कलन-संरक्षण गर्छ


तपाईं त्रिपुरेश्वर धेरै पटक जानु भएको होला! तर त्यहाँबाट थापाथलीतिर बढ्नेबित्तिकै दाहिनेतर्फ एउटा गजबको सङ्ग्रहालय छ भन्ने जानकारी नहुन पनि सक्छ। हो, त्यहाँ छ, लोकबाजा सङ्ग्राहलय। एक, दुई, तीन गर्दागर्दै त्यहाँ सङ्कलित बाजाहरूको संख्या आजको मितिमा ५ सय ४० पुगेको छ। सङ्ग्राहलयमा करिब ६ सय लोकबाजाहरू सङ्कलित छन्। ०७२ सालको भुइँचालोले तीमध्ये ६० बाजा नष्ट बनायो। त्यसअघि त्यहाँ बाजाको संख्या ६ सय पुगिसकेको थियो।

दुई दशकदेखि कँडेल दुर्लभ बाजाहरूको सुलभ सङ्कलनमा दत्तचित्त भएर लागिरहेका छन्

सङ्ग्राहलयमा भएका मध्ये तराईतिर डोमहरूले बजाउने घुर्ना बाजा नेपालको प्राचीनतम बाजा भएको अध्यक्ष रामप्रसाद कँडेल बताउँछन्। एक हातजति लामो रेटेर बजाउने यो एकतारे र दुई तारे दुबै हुन्छ। यसको तार र रेट्ने दुबैमा घोडाको पुच्छर प्रयोग हुन्छ।

यसबाहेक कपाली जातिले बजाउने पूजा मोहाली, थारु बाजा रेउनीलगायत तीनतारे सारङ्गी, बयल घण्ट, मृदङ्ग, रानी मादल, पिवांचा जस्ता लोपोन्मुख र कम प्रयोगमा आएका बाजागाजाहरू नै सङ्ग्राहलयका प्रमुख आकर्षण रहेको अध्यक्ष बताउँछन्।

कँडेलका अनुसार, ‘कुई कुई बज्छ तीनतारे सारङ्गी’ गीत नै छ। यो बाजाबारे साहित्यकार लक्ष्मीप्रसाद देवकोटा र भवानी भिक्षुले चर्चा गरेका थिए। तर नयाँ पुस्तालाई यसबारे धेरै जानकारी छैन।

बुढाखाडा बित्दै जानु, यी बाजाबारे सोधखोज गर्न प्रेरित गर्ने खालको पाठ्यक्रम नहुनु जस्ता कारण नेपाली बाजागाजा र सङ्गीत संस्कृति क्रमशः लोप हुँदैछ। जे जति बाँकी छन् ती लिपिमा नभएर केही सांस्कृतिक गतिविधि र मौखिक परम्पराका रूपमा मात्रै भेटिने अवस्था छ।यसका लागि राज्यले नेतृत्व लिएर ठोस काम गर्न सकेको छैन। 

यस्तै चासो र चिन्ताले जन्मिएको लोकबाजा सङ्ग्रहालयले नेपाली सङ्गीत संस्कृतिको अध्ययन र अभिलेखीकरणका लागि विविध गतिविधि गर्दै आएको छ। सङ्ग्रहालयले विभिन्न समूहसँग नजिक रहेर अन्तर्राष्ट्रिय लोक सङ्गीत फिल्म महोत्सवको आयोजना समेत गर्दै आएको छ। यसै महिना यसको छैठौँ संस्करण सम्पन्न भएको थियो।

हाल पार्टटाइमर २५ जना स्वयम्सेवीले सङ्ग्रहालयको काममा सघाइरहेछन्। उनीहरूको मुख्य काम जिल्लामा गएर सङ्गीत संस्कृतिको अध्ययन गर्ने र त्यसको अभीलेखीकरण गर्ने हो। कुनै बाजा र त्यसको प्रयोग गर्ने समुदायबारे केही महिनामै धेरै कुरा थाहा हुने त कुनै कुनै जानकारी पाउन वर्षौ लाग्ने कँडेल बताउँछन्।

उनका अनुसार, शंखशीला बाजाबारे जानकारी बटुल्न झन्डै ७ वर्ष लागेको रहेछ। यो बाजाको विशेषता के त? ‘मान्छे मरेको बेला, बालाचतुर्दशी, शिवरात्री आदि समयमा बजाउने ढुंगे बाजा हो यो। बाग्लुङ, ज्यामिरेघाट, अमलाचौरको र फलेबासको साँधमा फेला परेको यो बाजाको अध्ययनका लागि सोचेभन्दा बढी नै समय लाग्यो।’

सङ्ग्रहालयले दुर्लभ बाजाहरू गाउँमै कम भएकोले सकेसम्म नयाँ बनाउन लगाएर ल्याउँछ। त्यो सम्भव नभए पुरानो र बिग्रेको बाजा ल्याएर काठमाडौँमै नयाँ बनाउँछ। दुई दशकदेखि कँडेल दुर्लभ बाजाहरूको सुलभ सङ्कलनमा दत्तचित्त भएर लागिरहेका छन्।

सङ्ग्राहलयमा बाजाको सङ्कलन बढ्दै गए पनि त्यसको उपयोगिताबारे भने उल्लेख्य नतिजा हात पार्न लामो समय लाग्ने भएकाले यो काममा धैर्यको खाँचो पर्ने कँडेलको अनुभव छ। अनुसन्धान गर्ने विद्यार्थी र विदेशीहरूमा बाजाप्रति बढी चासो रहेको छ भन्दै उनले थपे, ‘नयाँ पुस्ताका केही कलाकारले हाम्रो संस्कृति र बाजालाई महत्व दिए पनि नयाँ पुस्तालाई यसप्रति आकर्षित गर्न हामीजस्तो एउटा संस्थाको प्रयास मात्रैले पुग्दैन।’

तस्बिरः सन्देश दुमरु

प्रकाशित २४ मंसिर २०७३, शुक्रबार | 2016-12-09 15:47:00

प्रतिकृया दिनुहोस

  • शक्ति र गरिबी दुवैले जीवनलाई जादुमयी बनाउँदैन

    बलिउड अभिनेता शाहरुख खानले 'द फ्युचर यु' थिममा क्यानडाको भ्यानकुभरमा आयोजित यस वर्षको टेड कन्फेरेन्समा दिएको मन्तव्यको भावानुवाद। त्यहाँ उनले...

  • साहित्यकार श्यामप्रसाद शर्मा

    देवकोटाले भन्थेः श्यामप्रसादसँग जोगिऔँ है!

    साहित्यकार श्यामप्रसाद शर्मा (१९८६-२०७४)को आइतबार निधन भएको छ। प्रगतिशील लेखक संघ नेपालका संस्थापक अध्यक्ष समेत रहेका शर्माका साहित्य, विचार र... मनमोहन अधिकारीका बाबु रामचन्द्र अधिकारी नै मेरो घरमा वीरगन्जमा डेरा गरेर बसेका थिए। उहाँहरू चाहिँ अघिदेखि नै राजनीतिमा लागेका मान्छेहरू...

  • अभिनेत्री श्वेता खड्का

    समाजसेवातिर श्वेता

    माघको अन्तिम सातासम्म सिन्धुपाल्चोक, ठूलो सिरुबारीको माझी गाउँको अवस्था निकै दर्दनाक थियो। माझीहरुको ६२ घरको झुन्ड रहेको त्यहाँ भूकम्पपछि एउटा घर...

  • कवि तथा निबन्धकार भूपिन

    'म जीवन शर्माका गीतको ठूलो प्रशंसक हुँ'

    कवि भूपिन अहिले उपन्यास लेख्ने एकान्तमा छन्। कविता र निबन्ध गरेर उनका पाँच पुस्तक प्रकाशित छन्। उनको पछिल्लो कविता-पुस्तक ‘सुप्लाको हवाइजहाज’ हो।...

  • रङ्गमञ्चमा जयमायाको दुःखमय सङ्गीत

    ‘जयमाया आफूमात्र लिखेपानी आइपुगी’ दोस्रो विश्वयुद्धमा जापानले बर्मामाथि हमला गरेपछि त्यहाँबाट भारतको असामतर्फ विस्थापित बर्मेली नेपालीहरूको कथा हो।...

  • 'वर्ल्ड अर्डर' नामक पुस्तकका लेखक तथा कूटनीतिज्ञ हेनरी किसिन्जरका साथ सी जिनपिङ

    गोथे, सुजेङ, हेमिङवे, तोल्स्तोय पढ्छन् चिनियाँ राष्ट्रपति

    चिनियाँ सरकारी सञ्चारमाध्यमहरु सिन्ह्वा तथा चाइना डेलीका अनुसार राष्ट्रपति सी एक उत्सुक पाठक हुन्। आफ्ना भाषणमा पटकपटक कन्फ्युसियसको भनाइलाई उधृत...

विचार

सुखद शुक्रबार

ब्लग

प्रविधि

रोचक

NepalKhabar Tweets

विशेष

  • पोखरामा एमालेको विजय–सभा: मख्ख मुद्रामा ओली

    पोखरा–लेखनाथ महानगरसहित कास्कीका चार स्थानीय तहमा विजय हासिल गरेको पार्टी नेकपा एमालेले आज पोखरामा विजय–सभा आयोजना गरेको छ। विजय–सभामा हँसिलो...

  • मञ्जु गुरुङ

    राष्ट्रपतिकी मितिनी पोखराकी उपमेयर

    पोखरा लेखनाथ महानगरपालिकाको उपमेयरमा एमालेबाट विजयी बनेकी मञ्जु गुरूङ राष्ट्रपति विद्यादेवी भण्डारीकी मितिनी र आफ्नै साइँला बाबुको बुहारी सरस्वती...

  • दुर्घटनाग्रस्त गोमा एयरका घाइते चालक पारस रार्इको निधन

    सोलखुम्बुको तेन्जिङ हिलारी विमानस्थलमा दुर्घटनामा परेर घाइते गोमा एयरका विमान चालक पारस रार्इको उपचारको क्रममा निधन भएको छ। विमान दुर्घटनामा परेर...