पचास लाख डलर लगानीमा हङकङमा खुल्यो नेपाली बगैंचा



५० जना नेपालीको लगानीमा ५० लाख हङकङ डलर लगानीमा खोलिएको बगैंचा रेष्टुरेन्ट एन्ड पार्टी प्यालेसको आइतबार विधिवत सार्वजनिक शुभारम्भ गरिएको छ। नेपालीको बाक्लो बसोबास रहेको हङकङको जोर्डनमा खोलिएको बगैँचा रेष्टुरेन्ट यहाँ नेपालद्वारा संचालित सबैभन्दा ठूलो रेष्टुरेन्टको रुपमा प्रचार गरिएको छ।

बगैँचा लिमिटेड प्रालिद्वारा संचालित १०८ सीट क्षमताको बगैंचामा १६ जना कामदार छन्। बगैंचालाई विशेषगरी पार्टी प्यालेसको रुपमा डिजाईन गरिएको छ। प्रबन्ध निर्देशक हरिचन्द्र राईको भनाईमा अन्य नेपाली रेष्टुरेन्ट भन्दा पृथक बगैंचामा बनाईने खानाको परिकार पनि नेपाली स्वादमा पाईनेछ।

उद्घाटन समारोहमा नेपाली महावाणिज्यदूत कोमलप्रसाद भट्टराईसहित हङकङस्थित नेपाली व्यावसायी सहभागी भएका थिए। 

‘नेपाली रेष्टुरेन्टका नाममा हामीले अहिलेसम्म खाली भारतीय खाना बेचिरहेका छौं। बगैंचामा हामी विश्वका परिकार त बेच्छौँ तर नेपाली स्वादमा। हामीले पहिलोचोटी विदेशीलाई नेपाली स्वाद चखाउँदैछौं। हरिचन्द्र भन्छन्, “त्यतिमात्र होईन हामीले परिकारलाई स्वस्थ बनाउन भान्सामा विशेष ध्यान दिईरहेका छौं।’

खानामा तेल र मरमसला कम प्रयोग गर्ने, बाँसको भाँडा प्रयोग गर्ने, भान्सा र रेष्टुरेन्ट छिनछिनमा सरसफाई गरेर हाईजेनिक खाना पस्कन ध्यान दिएको राई बताउँछन्। त्यसका लागि पाँचतारे होटेलमा लामो समय काम गरेका नेपाली सेफलाई भान्सा परामर्शदाताको रुपमा राखिएको छ। बगैंचामा पार्टीका लागि नेपाली समुदाय र खानाका लागि स्थानीय चिनियाँ समुदायलाई आकर्षित गर्ने रणनीति बनाईएको छ। अप्रेशनल म्यानेजर अनुभवी स्थानीय चिनियाँ युवती र कामदारहरु पनि बहुराष्ट्रिय राखिएको छ। स्थानीयलाई आकर्षित चिनियाँ भाषामा बिज्ञापन समेत बनाईएको छ।

मासिक १ लाख २५ हजार हङकङ डलर भाडा तिर्ने यस थलोमा ईन्टेरियर डिजाईनका लागि मात्र ४ मिलियन डलर जति खर्च लागेको बताईएको छ। स्थानीयबाट सकारात्मक टिप्पणी पाईरहेको बताउने बगैंचा लिमिटेड प्रालिका अध्यक्ष नरेश सुनुवार भन्छन्, ‘अब नोकरी मात्रै गरेर हुँदैन भनेर कन्स्ट्रक्सन र सेक्युरिटी गरेर जोडेका पैसा यसमा लगाएका हौं। यो ब्यावसायले हामीलाई ब्यावसाय गर्न सिकाउला न सिकाउला तर नयाँ पुस्तालाई यसले केहि बाटो चाहिं पक्का देखाउनेछ।’

बगैंचा लिमिटेड प्रालिले सामुदायिक समाचार पोर्टल बगैंचा डटकम पनि संचालन गरिरहेको छ। बगैंचाका लगानीकर्ता मध्ये केहि चाहिं नेपाली समुदायद्वारा संचालित हङकङको पहिलो बैंकिङ सेवा नेपाल फाईनान्समा लगानी गर्ने ब्यक्तिहरु पनि छन् ।

प्रकाशित २७ मंसिर २०७३, सोमबार | 2016-12-12 13:40:36

प्रतिकृया दिनुहोस

 

 

विचार

सुखद शुक्रबार

ब्लग

प्रविधि

रोचक

NepalKhabar Tweets

विशेष

  • काँग्रेसमा केन्द्रीय कार्यसम्पादन समिति गठन

    नेपाली काँग्रेसले महाधिवेशन भएको एक वर्षपछि ‘केन्द्रीय कार्यसम्पादन समिति’ गठन गरेको छ। आइतबार पार्टी केन्द्रीय कार्यालय सानेपामा सुरु भएको...

  • चीनसँगको कनेक्टिभिटी नेपालको पहिलो प्राथमिकताः प्रधानमन्त्री दाहाल

    नेपाल भएर दक्षिण एशियासँग जोडिंदा चीनलाई बढी लाभ हुने बताउँदै दाहालले यो क्षेत्रको विकासको लागि सबैभन्दा सुनौलो अवसर भएको टिप्पणी गरे।...

  • साडी, स्वीटर र ब्लाउजमा बुट्टा भर्ने तथा कढाइ गर्ने सीप सिकिरहेका एकल जीवन बिताउँदै आएका रोल्पाका महिला

    सीप सिकेर जीवन बदल्ने प्रयास गर्दैछन् रोल्पाका यी एकल महिला

    उमेर नपुग्दै विवाह गर्ने चलन रोल्पामा अझै घटेको छैन। सानै उमेरमा विवाह गर्ने अनि उमेर छिपिँदै गएपछि पारिवारिक समस्या देखाएर सम्बन्ध विच्छेद...

  • परासर आश्रमतनहुँको सेती र मादी नदीको किनारमा अवस्थित परासर आश्रम

    पर्यटकीय स्थलमा बदलिँदै छ व्यास क्षेत्र

    पर्याप्त सम्भावना रहेर पनि प्रचारप्रसार एवम् पूर्वाधार विकासका दृष्टिले ओझेलमा परेको यस क्षेत्रलाई व्यास क्षेत्र विकास कोष तनहुँको सकृयतामा करिब २७...