१३ सय टिम सहभागी हङकङ ट्रैलवाकमा ‘टिम नेपाल’ विजयी



अक्सफाम हङकङले आयोजना गरेको एक सय किलोमिटरको म्याकलेहोज ट्रैलवाकमा टिम नेपाल विजयी भएको छ। नेपाली ट्रैल धावाकहरु तिर्थ तामाङ, पूर्ण तामाङ, वेद सुनुवार र भिम गुरुङ सम्मिलित ‘टिम नेपाल’ ले शुक्रबार १३ सय टिम सहभागी भएको ट्रैलवाकमा सबैलाई उछिनेका हुन्।

शुक्रबार भएको ट्रैलवाकमा ५२ सय धावकले प्रतिस्पर्धा गरेका थिए। टिम नेपालले ११ घण्टा १ मिनेटमा निर्धारित दूरी पार गरेको थियो। गत वर्ष हङकङको स्थानीय टिम 'टुएक्सयू युएफओ' निर्धारित दूरी ११ घण्टा ५८ मिनेटमा पार गर्दै प्रथम भएको थियो। सन् २०१३ मा नेपाली खेलाडी सम्मिलित 'टिम कोलम्बिया' ले १० घण्टा ५८ मिनेटमा दुरी पार्दै कीर्तिमान बनाएको थियो।

टिम नेपालले दौडको सुरुबाटै हरेक 'चेक प्वाइन्ट' मा अग्रता लिन थालेपछि कुनै टिमलाई उछिन्न दिएन। २० वटाभन्दा बढी डाँडा छिचोलेर पो ल्येङ कुकमा पुगेका नेपाली धावकले अरुलाई पच्छ्याउने भन्दा पनि आफूले अग्रता लिने मनस्थितिमा अगाडि बढेको बताए।

सन् १९८१ मा ब्रिगेडियर मार्भिन लीले क्विन गोर्खा सिग्नल पल्टनलाई अभ्यास गराउन सुरु गरेको यो ट्रैलवाकलाई अहिलेसम्म निरन्तरता दिइएको छ। सन् १९८६ देखि अक्सफामसँग संयुक्त रुपमा आयोजना हुन थालेपछि म्याकलेहोज ट्रैलवाकको लोकप्रियता बढ्न थालेको हो। हङकङका मिडियाले यो ट्रैलवाकलाई निकै प्राथमिकताका साथ कमभरेज गरेका छन्।

सन् १९९७ मा ब्रिटिसले हङकङ छोडेर गए पनि यो प्रतियोगितालाई भने निरन्तरता दिइयो। एसिया र अफ्रिकी मुलुकहरुमा मानवीय सहायताका लागि कोष स्थापना गर्ने उद्देश्यले यो प्रतियोगिताको आयोजना गरिन्छ। यो ट्रैलवाकमा अहिले सम्म ९३ हजारले भाग लिइसकेका छन्। ३५औँ संस्करणसम्म आइपुग्दा ट्रैलवाकबाट करिब ५० करोड अमेरिकी डलर कोषमा जम्मा भइसकेको आयोजकको भनाइ छ।

टिम नेपाललाई हङकङमा रहेको एडब्ल्युओओ नामक कम्पनीले प्रायोजन तथा व्यवस्थापन गरेको थियो।

प्रकाशित ३ मंसिर २०७३, शुक्रबार | 2016-11-18 18:59:46

प्रतिकृया दिनुहोस

 

सुखद शुक्रबार

ब्लग

प्रविधि

रोचक

NepalKhabar Tweets

विशेष

  • दुई दशकपछि नेपालको आर्थिक वृद्धिदर ७ प्रतिशत

    केन्द्रिय तथ्यांक विभागले नेपालको आर्थिक वृद्धिदर ६ दशमवल ९४ प्रतिशत पुग्ने प्रक्षेपण गरेको छ। दुई दशकपछि नेपालको आर्थिक वृद्धिदर सबैभन्दा बढी...

  • राजनीतिक संवाद जारी राखेर अगाडि बढ्ने पाँच दलको निर्णय

    पाँच राजनीतिक दलको बालुवाटारमा बसेको बैठकले राजनीतिक संवादलाई जारी राख्दै सहमतिबाटै अगाडि बढ्ने निर्णय गरेको छ। मंगलबार बेलुका प्रधानमन्त्री निवास...

  • यस्तो छ कांग्रेसले सार्वजनिक गरेको 'स्थानीय तह निर्वाचनको घोषणापत्र'

    स्थानीय निर्वाचनका लागि नेपाली कांग्रेसको तयार पारेको चुनावी घोषणापत्र आज मंगलबार सार्वजनिक भएको छ। स्थानीय निर्वाचनको लागि तयार पारिएको घोषणापत्र...

  • चिनियाँ राष्ट्रपति सी जिनपिङ र भारतीय प्रधानमन्त्री नरेन्द्र मोदी

    ओबरमा भारतको हरियो बत्तीको खाँचो

    चिनियाँ अग्रसरताको एक पेटी एक मार्ग (ओबीओआर– ओबर) अर्थात् बेल्ट एण्ड रोड इनिसियटिभको प्रथम अन्तर्राष्ट्रिय सहयोग शिखर मञ्चको तयारी तीव्र हुँदै...