बाबुराम उपस्थित च्यारिटी डिनरले लण्डनमा उठायो एक करोड



गोरखाका भूकम्प प्रभावित अनाथ तथा गरिब बालबालिकाको सहयोगार्थ गोर्खाली समाज युकेले शनिबार राति गरेको च्यारिटीबाट एकै रातमा एक करोड भन्दा बढी रकम संकलन भएको छ। गत वर्ष गएको भूकम्पबाट गोरखामा सयौं विद्यालय क्षतिग्रस्त भएको थियो, भने कयौं बालबालिका अनाथ भएका थिए। ती भूकम्प प्रभावित गोरखाका अनाथ तथा गरिब बालबालिकाको सहयोगार्थ सयौं मानिसहरुले च्यारिटीमार्फत डिनरमा दिल खुलेर सहगोग गरेका थिए।

नयाँ शक्ति नेपालका संयोजक एवम् पूर्वप्रधानमन्त्री डा. बाबुराम भट्टराई कार्यक्रमको प्रमुख आतिथिका रुपमा रहेका थिए। लण्डनको अल्डरसटस्थित इम्पायर हलमा आयोजित कार्यक्रममा बेलालतबासी गोरखाली गुरुङहरुको बाक्लो उपस्थिति थियो। उनीहरु बाबुरामलाई साथमा पाउँदा ज्यादै हर्षित देखिएका थिए।
कार्यक्रममा राउण्ड टेबलको व्यवस्था गरेको थियो। जब बाबुराम राउण्ड टेबल वरिपरि बस्दै गरेकाहरुलाई एकएक गरी भेट्दै कुराकानी गर्न थाले, उपस्थित गोर्खालीहरु र अरु थुप्रै व्यवसायीहरुले दिलखुलेर बढी भन्दा बढी रकम दान गरे।
च्यारिटीमा जापानबाट आएका एनआरएनए आईसीसी उपाध्यक्ष भवन भट्टले २० लाख रुपैयाँ र बेलायतका व्यवसायी रविचन्द लामिछानेले १० लाख रुपैयाँ बालबालिकाको शिक्षाका लागि सहयोग गरे।


कार्यक्रमलाई सम्बोधन गर्दै भट्टराईले गोरखाबाटै पृथ्वीनारायण शाहले नेपाल एकीकरण गरेको इतिहासबारे चर्चा गर्दै नयाँ समृद्धि र विकासका लागि अब आउ“ने दिनमा पनि गोर्खालीहरुले महत्वपूर्ण भूमिका निभाउने विश्वास व्यक्त गरे। ‘तपाईहरुले आज सहयोगको भावना देखाई यत्रो रकम उठाउनुभयो। म ज्यादै खुशी छु।’ भट्टराईले भने, ‘तपाईहरुको यस्तै सेवा भावले देश बन्छ।’
आर्थिक विकास र समृद्धिको जग हाल्न गोर्खालीलाई आह्वान गर्दै भट्टराईले भने, ‘अब तपाईहरुले गोरखामा एउटा नयाँ प्रोजेक्टमा लगानी गर्नुस्। फाइभ स्टार होटल खोल्नुस्, जसले गर्दा गोरखाको पर्यटन विकास हुन्छ।’ भट्टराईले भने, ‘विदेशमा लिएको ज्ञान, सीप र धन देशभित्र लगानी गर्नुस्।’


गोर्खाली समाज युकेका अध्यक्ष जयप्रकाश गुरुङले सहयोग गर्ने सबैलाई धन्यवाद दिए। कार्यक्रममा राजदूत डा. दुर्गाबहादुर सुवेदी, एनआरएनए आईसीसी उपाध्यक्ष भवन भट्ट, अमेरिकाबाट आएकी महिला समाजसेवी डा. राघवप्रसाद धिताल (ओबीई), डा. विष्णु माया परियार लगायतका व्यक्तिहरुको उपस्थिति थियो।

प्रकाशित २८ कार्तिक २०७३, आइतबार | 2016-11-13 14:22:22
author photo

प्रजय शुक्ल लण्डनस्थित नेपालखबर विशेष प्रतिनिधि हुन्

@prajayas

प्रजय शुक्लबाट थप


प्रतिकृया दिनुहोस

 

 

विचार

सुखद शुक्रबार

ब्लग

प्रविधि

रोचक

NepalKhabar Tweets

विशेष

  • काँग्रेसमा केन्द्रीय कार्यसम्पादन समिति गठन

    नेपाली काँग्रेसले महाधिवेशन भएको एक वर्षपछि ‘केन्द्रीय कार्यसम्पादन समिति’ गठन गरेको छ। आइतबार पार्टी केन्द्रीय कार्यालय सानेपामा सुरु भएको...

  • चीनसँगको कनेक्टिभिटी नेपालको पहिलो प्राथमिकताः प्रधानमन्त्री दाहाल

    नेपाल भएर दक्षिण एशियासँग जोडिंदा चीनलाई बढी लाभ हुने बताउँदै दाहालले यो क्षेत्रको विकासको लागि सबैभन्दा सुनौलो अवसर भएको टिप्पणी गरे।...

  • साडी, स्वीटर र ब्लाउजमा बुट्टा भर्ने तथा कढाइ गर्ने सीप सिकिरहेका एकल जीवन बिताउँदै आएका रोल्पाका महिला

    सीप सिकेर जीवन बदल्ने प्रयास गर्दैछन् रोल्पाका यी एकल महिला

    उमेर नपुग्दै विवाह गर्ने चलन रोल्पामा अझै घटेको छैन। सानै उमेरमा विवाह गर्ने अनि उमेर छिपिँदै गएपछि पारिवारिक समस्या देखाएर सम्बन्ध विच्छेद...

  • परासर आश्रमतनहुँको सेती र मादी नदीको किनारमा अवस्थित परासर आश्रम

    पर्यटकीय स्थलमा बदलिँदै छ व्यास क्षेत्र

    पर्याप्त सम्भावना रहेर पनि प्रचारप्रसार एवम् पूर्वाधार विकासका दृष्टिले ओझेलमा परेको यस क्षेत्रलाई व्यास क्षेत्र विकास कोष तनहुँको सकृयतामा करिब २७...