बेलायतमा नेपालको प्राकृतिक सौन्दर्यको वर्णन



बेलायतको लण्डनमा ३७ औं वल्र्ड ट्राभल मार्केट (डब्लुटिएम) सम्पन्न भएको छ। नोभेम्बर ७ देखि ९ सम्म चलेको ट्राभल मार्केटमा नेपालबाट नेपाल पर्यटन बोर्डसहित होटल र ट्रेकिङ क्षेत्रका कम्पनीहरुको सहभागिता रहेको थियो। नेपालबाट सहभागिता जनाउने संस्थाहरुले बेलायती पर्यटकलाई नेपाल जान उत्प्रेरित गरेका थिए।

विश्वका करिब ५० हजार पर्यटन र ट्राभल व्यवसायीहरु कार्यक्रममा सहभागी भएका थिए। सो कार्यक्रममा नेपाली प्रतिनिधिमण्डलको नेतृत्व गर्दै लण्डन पुगेका संस्कृति, पर्यटन तथा नागरिक उड्ययन मन्त्री जीवनबहादुर शाहीले नेपालको प्राकृतिक सौन्दर्यता वर्णन गर्दै सबैलाई नेपाल घुम्न जान आग्रह गरे।

‘नेपाल घुम्नको लागि सुरक्षित छ। विदेशीहरुलाई नेपालबारे जानकारी दिन सकियो भने नेपाल घुम्न आउने पर्यटकहरुको संख्या अवश्य बढ्छ’, नेपालखबरसँग कुराकानी गर्दै मन्त्री शाहीले भने, ‘भूकम्प र नाकाबन्दीले विश्वमा नेपालप्रति नकारात्मक सन्देश प्रवाह गरिरहँदा नेपालले डब्लुटिएममार्फत नेपाल सुरक्षित छ भन्ने सन्देश गएको छ। हामी सबै मिलेर नेपालबारे थाहा दिनुपर्छ ।’


यस्तै बेलायत–नेपाल कुटनीतिक सम्बन्ध स्थापनाको दुई सय वर्ष गाँठको अवसरमा बेलायतस्थित नेपाली दूतावासले मंगलबार साँझ ‘वेष्ट भ्यालु डेस्टिनेशन नेपाल’ नामक पर्यटन प्रवद्र्धन कार्यक्रमको आयोजना गरेको थियो।


बेलायती पर्यटकलाई नेपाल जान उत्प्रेरित गर्ने उद्देश्यले आयोजना गरिएको कार्यक्रममा विदेशीहरुको समेत राम्रो उपस्थिति थियो। कार्यक्रममा मन्त्री शाहीको पनि उपस्थिति थियो। कार्यक्रममा बोल्दै राजदूत दुर्गाबहादुर सुवेदी र उपनियोग प्रमुख शरदराज आरणले एकपटक नेपाल घुम्न जान सबैलाई आग्रह गरे। कार्यक्रममा लोन्ली प्लानेटका जोसेफ र बोर्डका विमल कंडेलले नेपालसम्वन्धी वृत्तचित्र प्रदर्शन गरेका थिए।

नेपाली प्रतिनिधिमण्डल नोभेम्बर १० मा बेलायतको म्यानचेष्टर र १४ नोभेम्बरमा न्यू क्यासलमा हुने कार्यक्रममा समेत सहभागी हुनेछन्।

प्रकाशित २५ कार्तिक २०७३, बिहिबार | 2016-11-10 09:02:08
author photo

प्रजय शुक्ल लण्डनस्थित नेपालखबर विशेष प्रतिनिधि हुन्

@prajayas

प्रजय शुक्लबाट थप


प्रतिकृया दिनुहोस

 

 

विचार

सुखद शुक्रबार

ब्लग

प्रविधि

रोचक

NepalKhabar Tweets

विशेष

  • काँग्रेसमा केन्द्रीय कार्यसम्पादन समिति गठन

    नेपाली काँग्रेसले महाधिवेशन भएको एक वर्षपछि ‘केन्द्रीय कार्यसम्पादन समिति’ गठन गरेको छ। आइतबार पार्टी केन्द्रीय कार्यालय सानेपामा सुरु भएको...

  • चीनसँगको कनेक्टिभिटी नेपालको पहिलो प्राथमिकताः प्रधानमन्त्री दाहाल

    नेपाल भएर दक्षिण एशियासँग जोडिंदा चीनलाई बढी लाभ हुने बताउँदै दाहालले यो क्षेत्रको विकासको लागि सबैभन्दा सुनौलो अवसर भएको टिप्पणी गरे।...

  • साडी, स्वीटर र ब्लाउजमा बुट्टा भर्ने तथा कढाइ गर्ने सीप सिकिरहेका एकल जीवन बिताउँदै आएका रोल्पाका महिला

    सीप सिकेर जीवन बदल्ने प्रयास गर्दैछन् रोल्पाका यी एकल महिला

    उमेर नपुग्दै विवाह गर्ने चलन रोल्पामा अझै घटेको छैन। सानै उमेरमा विवाह गर्ने अनि उमेर छिपिँदै गएपछि पारिवारिक समस्या देखाएर सम्बन्ध विच्छेद...

  • परासर आश्रमतनहुँको सेती र मादी नदीको किनारमा अवस्थित परासर आश्रम

    पर्यटकीय स्थलमा बदलिँदै छ व्यास क्षेत्र

    पर्याप्त सम्भावना रहेर पनि प्रचारप्रसार एवम् पूर्वाधार विकासका दृष्टिले ओझेलमा परेको यस क्षेत्रलाई व्यास क्षेत्र विकास कोष तनहुँको सकृयतामा करिब २७...