जीबा लामिछानेको 'सर्सर्ती संसार'को लण्डनमा विमोचन



रुसका सफल व्यवसायी एवं गैरआवासीय नेपाली संघका पूर्व अध्यक्ष जीबा लामिछानेद्वारा लिखित पुस्तक 'सर्सर्ती संसार'को आइतबार लण्डनमा एउटा समारोहबीच लोकार्पण गरिएको छ। बेलायतका लागि नेपाली राजदूत डा. दुर्गाबहादुर सुवेदी र मधेसी जनअधिकार फोरमका सांसद जीतेन्द्रनारायण देवले संयुक्त रुपमा कृति विमोचन गरेका हुन् ।

 सो कृति नेपाल, तान्जानिया र रुसमा पनि विमोचन भइसकेको छ। समारोहमा बोल्दै बेलायतकालागि नेपाली राजदूत डा दुर्गाबहादुर क्षेत्रीले लामिछाने एक बहुआयामिक प्रतिभाको धनी भएको बताए। राजदूत क्षेत्रीले लामिछानेको कृतिको चर्चा गर्दै भने ‘लेखहरुमा राष्ट्रिय चेतना र देशभक्तिको भावना रहेको छ।' उनले भने, ‘सर्सर्ती संसारले लामिछाने एकजना सफल व्यवसायी, समाजसेवी, गैरआवासीय नेपाली अभियानका अभियन्ताबाहेक लेखकको पनि पहिचान बनाएको छ।’

प्रा. बालकृष्ण पोखरेलले लामिछानेका लेखहरुमा राष्ट्रिय चेतना र देशभक्तिको भावना परिपोषित रहेका बताए। हाल लण्डन आइपुगेका मधेसी जनअधिकार फोरमका सांसद जीतेन्द्रनारायण देवले नेपालका राजनीतिकर्मीहरुले पनि यो पुस्तकबाट धेरै सिक्न सक्ने बताए।

लण्डनमा पुस्तक विमोचनका क्रममा लेखक लामिछाने

लण्डनमा पुस्तक विमोचनका क्रममा लेखक लामिछाने

पुस्तकको समीक्षा गर्दै पत्रकार नारायण गाउँलेले हाम्रा धर्मग्रन्थहरुले जीवनलाई यात्रा र संसारलाई एउटा बिसौनीको संज्ञा दिएको चर्चा गर्दै यात्राले जीवनलाई स्वच्छ, सुन्दर र सार्थक बनाउने बताए।

बीबीसी नेपाली सेवाका पूर्व प्रमुख खगेन्द्र नेपालीले 'सरसर्ती संसार' पुस्तकको एउटा अध्याय वाचन गरे। यस्तै पत्रकार नरेन्द्र बस्नेतले लामिछानेको जीवनीबारे तयार पारिएको अडियो प्रोफाइल सुनाए।

कार्यक्रममा लेखक लामिछानेले व्यवसाय र एनआरएन अभियान विस्तारका क्रममा विदेश घुम्दाका अनुभव समेटेर कृति तयार गरेको बताए।

नेपालब्रिटेनडटकमद्वारा आयोजित उक्त कार्यक्रम पत्रकार चिरन शर्माले सञ्चालन गरेका थिए।

प्रकाशित २५ पुस २०७३, सोमबार | 2017-01-09 17:26:35
author photo

प्रजय शुक्ल लण्डनस्थित नेपालखबर विशेष प्रतिनिधि हुन्

@prajayas

प्रजय शुक्लबाट थप


प्रतिकृया दिनुहोस

 

सुखद शुक्रबार

ब्लग

प्रविधि

रोचक

NepalKhabar Tweets

विशेष

  • महानगरमा महिला मेयर उम्मेदवारद्वय भरतपुरमा रेणु दाहाल र काठमाडौंमा रञ्जु दर्शना

    को बन्ला त महानगरमा ‘म्याडम मेयर’?

    स्थानीय तहको निर्वाचन नजिकिँदै जाँदा महिला प्रतिनिधित्व सार्वजनिक चर्चाको विषय हुन थालेको छ। गाउँ वा नगरका प्रमुख वा उपप्रमुखमध्ये एक जना महिला...

  • धनी बन्नु छ? पहिले सडक बनाऊ

    सुधार र खुलापनपछि चीनले ठूलाठूला उपलब्धि हासिल गरेको छ। धेरै नेपाली साथीहरु त्यो उपलब्धिको रहस्य के हो भनेर सोधिरहन्छन्। चीनको यत्रो उपलब्धिको दुई...

  • कास्कीका कांग्रेस कार्यकर्ता निराश हुनुका यस्ता कारण

    स्थानीय तहको निर्वाचनमा आकांक्षीहरु धेरै भएपछि नेपाली काँग्रेस कास्कीलाई उम्मेद्वार सिफारिस गर्न हम्मेहम्मे भएको छ। कांग्रेसका कार्यकर्तालाई भने...

  • संविधान संशोधन विधेयकमा संशोधनको प्रस्ताव दर्ता गराउँदै प्रमुख सचेतक श्रेष्ठ व्यवस्थापिका संसद सचिवालय सिंहदरबारमा शनिबार राति

    मध्यरातमा संविधान संसोधनको संयुक्त प्रस्ताव दर्ता

    व्यवस्थापिका–संसद्मा सरकारले गरेको संविधान संशोधन प्रस्तावमाथि सत्तारुढ दल र मधेसी मोर्चाकातर्फबाट संयुक्त संशोधन प्रस्ताव दर्ता भएको छ।