राजधानीमा खुल्यो परामर्श कम्पनी राइट पाथ



नेपाल शैक्षिक परामर्श संघका अध्यक्ष प्रकाश पाण्डेले परामर्शको नाममा बदनाम गराउने उद्देश्यले यस्ता संस्था खोल्ने गरेको भन्दै त्यसबाट जोगिएर काम गर्न राइटपाथलाई अनुरोध गरेका छन्।

राजधानीको पुतलीसडकमा रहेको राइट पाथ कन्सल्टेन्सीको उद्घाटन गर्दै पाण्डेले यस्तो बताएका हुन्। ‘अहिले बजारमा छ्याप्छ्याप्ती रुपमा कन्सल्टेन्सी खुल्ने गरेको छन्,’ उनले भने, ‘त्यसमध्ये थोरैले मात्रै सेवाभाव राखेर काम गर्ने गरेका छन्। त्यसमध्ये राइट पाथ परोस्, यही शुभकामना छ।’

शैक्षिक परामर्शसहित विदेशमा अध्यापन गराउने उदेश्यसहित राइट पाथ करियर काउन्सिलिङ खुलेको अध्यक्ष फिलीप डिसीले जानकारी दिए। उक्त कन्सल्टेन्सीले अष्ट्रेलिया, भारत, बेलायत, न्यूजिल्याण्ड, क्यानडा, अमेरिका, लाटभियालगायतका देशमा अध्ययनका लागि विद्यार्थी पठाउने जनाएको छ।

पाण्डेले नेपालमा शैक्षिक परामर्शलाई मर्यादित बनाएर अघि बढाउन आग्रह गरे। संघका निवर्तमान अध्यक्ष राजेन्द्र बरालले संघको स्थापनासँगै शैक्षिक परामर्श व्यवसायलाई व्यवस्थित बनाउन थालिएको बताउँदै स्वदेशमै पनि विदेशी विश्वविद्यालय सम्वन्धन लिएर सेवा सुरु भएको बताए। उनले शैक्षिक परामर्श व्यवसायीले गरेको मुनाफाबाट उत्पादनमूलक क्षेत्रमा लगानी गर्नुपर्ने बताए।

बरालले पछिल्लो समयमा केही व्यवसायीले विश्वविद्यालय र जलविद्युतमा लगानी थालेको बताउँदै संघले सामूहिक लगानीमा जोड दिएर उत्पादनमूलक क्षेत्रमा लाग्नुपर्ने सुझाब दिए। राइट पाथका अध्यक्ष फिलिप डिसीले मुनाफा भन्दा पनि सेवाभावलाई मध्यनजर गरेर कन्सल्टेन्सी संचालन गर्ने प्रतिवद्धता जनाए। कन्सल्टेन्सीका संचालक सुरज पौडेलले कन्सलेटेन्सी कारोबारलाई व्यवस्थित बनाउन संघले समेत अनुगमन गर्नुपर्ने बताउँदै अनुगमन हुन सकेमा नराम्रा व्यवसायी पाखा लाग्ने र राम्रा व्यवसायी अगाडी बढ्ने धारणा राखे।

प्रकाशित २४ पुस २०७३, आइतबार | 2017-01-08 17:36:04

प्रतिकृया दिनुहोस

विचार

सुखद शुक्रबार

ब्लग

प्रविधि

रोचक

NepalKhabar Tweets

विशेष

  • पोखरामा एमालेको विजय–सभा: मख्ख मुद्रामा ओली

    पोखरा–लेखनाथ महानगरसहित कास्कीका चार स्थानीय तहमा विजय हासिल गरेको पार्टी नेकपा एमालेले आज पोखरामा विजय–सभा आयोजना गरेको छ। विजय–सभामा हँसिलो...

  • मञ्जु गुरुङ

    राष्ट्रपतिकी मितिनी पोखराकी उपमेयर

    पोखरा लेखनाथ महानगरपालिकाको उपमेयरमा एमालेबाट विजयी बनेकी मञ्जु गुरूङ राष्ट्रपति विद्यादेवी भण्डारीकी मितिनी र आफ्नै साइँला बाबुको बुहारी सरस्वती...

  • दुर्घटनाग्रस्त गोमा एयरका घाइते चालक पारस रार्इको निधन

    सोलखुम्बुको तेन्जिङ हिलारी विमानस्थलमा दुर्घटनामा परेर घाइते गोमा एयरका विमान चालक पारस रार्इको उपचारको क्रममा निधन भएको छ। विमान दुर्घटनामा परेर...