आइफोनको बिक्री घटेपछि एप्पलले सिइओको कमाइमा पनि कटौती गर्‍यो



१५ वर्षमा पहिलो पटक आइफोनको बिक्रीमा गिरावट आएपछि एप्पलले प्रमुख कार्यकारी अधिकृत टिम कुकको कमाइमा कटौती गरेको छ। कुकको कमाइमा सो कम्पनीले १५ प्रतिशतले कटौती गरेको हो।

सन् २०१६ मा कुकको तलब २० लाख डलरबाट बढेर ३० लाख डलर पु¥याइएको थियो। तर सन् २०१५ मा उनले पाएको बोनस ८० लाख डलरबाट घटेर २०१६ मा उनलाई ५४ लाख डलर मात्रै दिइयो।

त्यसैले गर्दा २०१५ मा कुकले प्राप्त गरेको एक करोड ३ लाख डलरबाट घटेर २०१६ मा उनले ८७ लाख डलर मात्रै प्राप्त गरे।

सन् २०१६ मा एप्पलको आयमा ८ प्रतिशतले कमी भएर २ खर्ब १६ अर्ब डलरमा झरेको र नाफामा १६ प्रतिशतले गिरावट आएर ६० अर्ब डलर मात्रै भएको जनाइएको छ। सन् २००७ मा आइफोन बजारमा आएपछि पहिलो पटक यसको बिक्री घटेका कारण एप्पलको आयमा गिरावट आएको जनाइएको छ।

सन् २००१ मा तत्कालीन सिइओ स्टिभ जब्सले आइपड सार्वजनिक गरेपछि त्यसले आइफोन र आइप्याडका लागि मार्गप्रशस्त गरेको थियो। एप्पलले विभिन्न उत्पादन गरेपनि आइफोन सो कम्पनीको मुख्य आयस्रोत हो। हाल मानिसहरुले हरेक एक वा दुई वर्षमा नयाँ मोडेलको आइफोन किन्न छोडेको कारण यसको बिक्री घटेको विश्लेषण गरिएको छ।

त्यसैले एप्पल आइफोनमा बढी नै निर्भर भएको तथा स्टिभ जब्सको मृत्युपछि अन्य कुनै सफल उत्पादन बजारमा ल्याउन नसकेकोले लगानीकर्ताहरु चिन्तित भएको जनाइएको छ। एजेन्सी

प्रकाशित २३ पुस २०७३, शनिबार | 2017-01-07 14:13:35

प्रतिकृया दिनुहोस

विचार

सुखद शुक्रबार

ब्लग

प्रविधि

रोचक

NepalKhabar Tweets

विशेष

  • पोखरामा एमालेको विजय–सभा: मख्ख मुद्रामा ओली

    पोखरा–लेखनाथ महानगरसहित कास्कीका चार स्थानीय तहमा विजय हासिल गरेको पार्टी नेकपा एमालेले आज पोखरामा विजय–सभा आयोजना गरेको छ। विजय–सभामा हँसिलो...

  • मञ्जु गुरुङ

    राष्ट्रपतिकी मितिनी पोखराकी उपमेयर

    पोखरा लेखनाथ महानगरपालिकाको उपमेयरमा एमालेबाट विजयी बनेकी मञ्जु गुरूङ राष्ट्रपति विद्यादेवी भण्डारीकी मितिनी र आफ्नै साइँला बाबुको बुहारी सरस्वती...

  • दुर्घटनाग्रस्त गोमा एयरका घाइते चालक पारस रार्इको निधन

    सोलखुम्बुको तेन्जिङ हिलारी विमानस्थलमा दुर्घटनामा परेर घाइते गोमा एयरका विमान चालक पारस रार्इको उपचारको क्रममा निधन भएको छ। विमान दुर्घटनामा परेर...