पाटा नेपालद्धारा युथ ट्यालेन्ट क्वेस्ट २०१७ आरम्भ



प्यासिफिक एसिया ट्राभल एसोसियसन (पाटा) नेपाल च्याप्टरले नेपाली पर्यटन क्षेत्रमा अध्ययनरत विद्यार्थीहरुको ज्ञान, सीप र क्षमतालाई प्रतिस्पर्धा मार्फत प्रस्फुटित गराउने तथा नेपाली पर्यटन क्षेत्रमा भावी सबल पर्यटन जनशक्तिको खोजमुलक अभियानको रुपमा “पाटा नेपाल युथ ट्यालेन्ट क्वेस्ट २०१७” सुरु गरेको छ।

उक्त अभियान विद्यार्थीहरुका लागि आफ्नो योग्यता, क्षमता र सिप प्रस्तुत गरी महत्वपूर्ण उपलब्धीहरु प्राप्त गर्न एक उपयुक्त माध्यमको रुपमा लिईएको छ।  उक्त अभियान अन्र्तगत “पब्लिक स्पिकिङ्ग” शिर्षकको पहिलो प्रतियोगिता आज काठमाण्डौको मण्डिखाटार स्थित गेट कलेजमा सम्पन्न भएको छ, जसमा पाटा नेपाल च्याप्टर सदस्य शैक्षिक संस्थाहरु गेट, नाथम, क्याथ, एनसिटिटिएम, मिडभ्याली, पब्लिक युथ र आईएसटिबाट १५ जना बिद्यार्थीहरुले भाग लिएका थिए।

सहभागिहरुमध्ये आईएसटि कलेजकी छात्रा पेरिश्मा शर्मा विजयी भएकी छिन्। विजेताले पुरुस्कार स्वरुप आगामी मे १८–२१ मा श्रीलङ्कामा आयोजना हुने पाटा एनुअल समिट् २०१७ मा पाटा नेपालको सौजन्यमा सहभागि हुने अवसर प्राप्त गरेकी छिन्। कार्यक्रमको उद्घाटनमा पाटाका अध्यक्ष सुमन पाण्डेले स्वागत मन्तब्य राख्दै पाटा नेपालको दक्ष जनशक्ति निर्माण तथा नेपाली पर्यटन क्षेत्रका नयाँ पुस्तामा नेतृत्व सिप अभिवृद्धि गर्ने उद्देश्यले पाटा नेपालले यो अभियान अघि सारेको बताए।

सो कार्यक्रममा संस्कृती पर्यटन तथा नागरिक उड्डयान मन्त्रालयका पूर्व–सचिव दिपेन्द्र पुरुष ढकाल, नाथम कलेजका भूपु प्राचार्य उज्वल सत्याल र भोग एड् एण्ड ईभेन्ट म्यानेजम्यान्टका प्रमुख कार्यकारी अधिकृत प्रभात रिमालले निर्णायक मण्डलको भुमिका निर्वाह गरेका थिए।
निर्णायक मण्डलका तर्फबाट बोल्दै दिपेन्द्र पुरुष ढकालले पाटा नेपालले नेपाली पर्यटन क्षेत्रको दिगो विकासका लागि महत्वपूर्ण एवं आवश्यक पहल अघि सारेको बताउँदै नेपाललाई अन्य गन्तब्यहरुसँगको प्याकेजमा भन्दा एक आत्मनिर्भर गन्तब्यको रुपमा प्रर्वद्धन गर्नुपर्ने खाँचो रहेको औल्याए।

यस अभियान अन्र्तगत पब्लिक स्पिकिङ्ग, कन्टेन्ट राइटिङ्ग, टुरीजम प्रोजेक्ट डेभलपमेन्ट, ट्ेक फर टुरिजम् र प्रोमो भिडियो गरी विभिन्न ५ वटा विधाहरुमा अन्तर कलेज प्रतियोगिताहरु सञ्चालन गरिने पाटा नेपालका कार्यकारी प्रबन्धक सुरेश सिंह बुडालले जानकारी दिए।

प्रकाशित २ चैत २०७३, बुधबार | 2017-03-15 19:51:47

प्रतिकृया दिनुहोस

विचार

सुखद शुक्रबार

ब्लग

प्रविधि

रोचक

NepalKhabar Tweets

विशेष

  • चर्चामा मोदीको ‘अंकमाल कुटनीति’

    भारतीय प्रधानमन्त्री नरेन्द्र मोदीले दिने गरेको भाषणको जति चर्चा हुन्छ, त्यति नै चर्चा हुने गर्छ उनले गर्ने अंकमालको। विश्वका नेताहरुसँग मोदीले...

  • एउटा नेताको इखले जन्माएको चिनियाँ हाइस्पीड रेलको किस्सा

    रेलको सबैभन्दा विलासी डिब्बाको सिट भाडा १७४८ पर्छ जुन विमानको भन्दा करीब ५०० आरएमबीले बढी हो। साडे ५ सय आरएमबीमा सोही स्पीड रेलको साधारण टिकट किन्न...

  • पूर्वसभासद फुदुङ कुटपिटः यस्तो रहेछ खास कारण

    सुनसरीको इटहरी उपमहानगरपालिकाको ४ नम्बर वडामा पूर्वजर्नेल तथा माओवादी केन्द्रका पूर्वसांसद् कुमार फुदुङ कुटिएका छन्। आफ्नै रिसोर्टमा महिला मृत...

  • प्रदेश नम्बर ५ को राजधानी दाङ कि बुटवल? मतदाता झुक्याए नेताले

    एमाले नेता विष्णु पौडेलले त पटक पटक ‘एमालेले बुटवललाई राजधानी बनाउने निर्णय गरिसक्यो, ढुक्क हुनुहोस्’ भनिरहेका छन्। तर सोही पार्टीका अर्का नेता...