स्मृति

'पिताजी सामाजिक न्यायका जुझारु अभियन्ता हुनुहुन्थ्यो'

छोरा विमलको नजरमा कलाकार विष्णुभक्त फुँयाल



आमाकै मायाममता, कडा मेहनत, विवेकशील मार्गदर्शन र भेटेजति मान्छेलाई भलो गर्ने स्वभाव र व्यवहारकै कारण बुवा र हामीहरु आजको ठाउँमा आइपुगेका हौँ

 कलाकार विष्णुभक्त फुँयालको पुस १९ गते नाटकमा अभिनय गर्दागर्दै रङ्गमञ्चमै निधन भएको हो। सामाजिक क्षेत्रमा क्रियाशील फुँयालका जेठा छोरा विमलले पिताको निधनमा लेख्नुभएको संक्षिप्त स्मृति यहाँ जस्ताको तस्तै प्रस्तुत छः


पिताजीको निधन ... ...

हाम्रा पिताजी नाट्य कलाकार बिष्णुभक्त फुँयाल यही पुस १९ अर्थात जनवरी ३ तारिखको दिन यो संसारबाट विदा हुनु भएको छ। अस्सी बर्षको उमेरमा पनि युवा सरह उर्जावान र पूर्णकालिनरुपमा कृयाशील उहाँ राष्ट्रीय नाचघर जमलमा नाटकमा अभीनय गर्ने क्रममा अन्तिम संवाद तिर आइपुग्दा मेजर ब्रेन स्ट्रोक अर्थात मष्तिस्काघातको कारण ढल्नुभयो र तत्काल बित्नु पनि भयो।

विगत ५० बर्षदेखि नाटकमा अभिनय गर्दै आउनु भएको उहाँको अन्तिम नाटक सत्यमोहन जोशीद्वारा लिखित याज्ञबल्क्य हुन पुगेको छ, जुनमा उहाँ राजा जनकको भूमिका निक्कै प्रभावकारी ढङ्गले निभाउदै हुनुहुन्थ्यो।

बुवा पहिले कुक र सेफको रुपमा काम गर्नुहुन्थ्यो। तत्कालिन रोयल होटेलबाट वेटरको हैसियतमा काम सुरु गर्दै उहाँले कुकको रुपमा होटेल शङ्कर, होटेल ग्रीन, होटेल तारागाउ (अहिलेको हायात), गोकर्ण सफारी पार्क देखी होटेल अन्नपूर्णमा पनि काम गर्नु भयो।

कमल र म हामी दुइ छोराहरु सानै उमेरदेखी काम गर्दै कमाएर घर परिवारको खर्च धान्न सक्षम भएकोले बुवा ४५ बर्षको उमेरमै पुरानो पेशाबाट रिटायर्ड हुनुभइ स्वतन्त्र ढङ्गले पूर्णकालिन रुपमा कला क्षेत्रमा लाग्नु भयो।

वि सं २०४५ मा लिभर क्यान्सरको कारण आमा तारादेवी ४३ बर्षको अल्पायुमा बित्नु भएको घटना हाम्रो परिवारको निम्ती सबैभन्दा ठुलो बज्रपात थियो जस्को चोटले आजसम्म पनि हाम्रो मुटु दुखिरहेकै छ।

आमाकै मायाममता, कडा मेहनत, विवेकशील मार्गदर्शन र भेटेजति मान्छेलाई भलो गर्ने स्वभाव र व्यवहारकै कारण बुवा र हामीहरु आजको ठाउँमा आइपुगेका हौँ।

कलाकार विष्णुभक्त फुँयाल

कलाकार विष्णुभक्त फुँयाल

सफल कलाकार र सामाजिक न्यायको निम्ति सदैव लागिरहने जुझारु अभियन्ताको साथै उहाँ आफ्नो गच्छेअनुसार जिम्मेवार पिता र अभिवावक पनि हुनुहुन्थ्यो।

म एक्सनएड लन्डनमा कार्यरत हुँदा बुवा ६ महिना हामीसङ्ग रहनु भएको समय नै मेरो उहाँसङ्ग सबैभन्दा बाक्लो उठबस र गहिरो कुराकानिहरु भएको अवधी रह्यो।

विगत २० बर्षको अवधिमा उहाँको रेखदेख, उपचार लगायत हेरचाहको मूल जिम्मेवारी भाइ कमल र बुहारी लक्ष्मीले लिएका थिए। कान्छो भाइ निर्मल र उसको परिवार केही बर्षदेखी अमेरिकामा बसोबास गर्दै आएकाले यतिबेला हामी सङ्गै हुन सकेनौ।

आमा र बुवा दुबै अब स्मृतिको लोकमा मात्र रहनु हुने भो ...।

तर सामाजिक न्यायको अभियानहरु जहाँ हाम्रो संलग्नता हुनेछ ति हरेक पलमा उहाँहरु जीवितै रहनु हुनेछ... ...।

प्रकाशित २८ पुस २०७३, बिहिबार | 2017-01-12 12:39:02
author photo

विमल फुँयाल एक्सन एड इन्टरनेसनल नेपालको कन्ट्री डाइरेक्टर हुन्

@BimalPhnuyal


प्रतिकृया दिनुहोस

विचार

सुखद शुक्रबार

ब्लग

प्रविधि

रोचक

NepalKhabar Tweets

विशेष

  • कांग्रेसलाई रोक्न जोसँग पनि तालमेल गर्ने एमाले रणनीति

    एमाले नेताहरुले t उपेन्द्र यादव र विजय गच्छदारसँग तालमेलका लागि विमर्श सुरु गरेका छन्। ‘मधेसमा जोसँग मिल्दा हामीलाई फाइदा हुन्छ त्योसँग मिल्ने नीति...

  • माला पहिरन ठिक्क परेका महा-मेयर

    यसअघि नै दुई–दुई पटकसम्म वडा अध्यक्ष भएर काम गरेका शाक्य काठमाडौंका लागि पार्टीका कुशल संगठक पनि हुन्। उम्मेदवार मात्र नभएर पार्टीको एउटा संगठकले...

  • नवनिर्वाचित मेयर मानबहादुर जिसी

    महानगर हाँक्ने मानबहादुर

    क्याम्पस पढ्न एक ठिटो झोला भिरेर सहर आइपुग्यो। उच्च शिक्षा लिन गाउँबाट सहर आइपुगेको तन्नेरीले मनको चर्खा पढाइमा भन्दा अन्तै घुमाइरहेको थियो। उसलाई...

  • ‘देउवालाई नचिनेर पनि चुनाव जितिँदोरहेछ’

    कुराकानी पछि छुट्टिने बेला चिरिबाबु भन्दै थिए, ‘ चिरिबाबुले ललितपुरका सांस्कृतिक सम्पदाहरु जोगाएरै विकास गर्ने छ, विकासका नाउँमा जथाभावी गर्ने छैन,...