बम्बई जाँदो, रूपियाँ कमाउँदो



सेरा रावल र जया रावल
सेरा रावल र जया रावल
तस्बिरः सरला गौतम

आडैमा कसैको भुनभुनले मेरो तन्द्रा भङ्ग भयो। ओहो! यो उकालोमा त म एक्लै पो छु। मेरो होश आयो।

सकिएको थियो द्वन्द्व। हान्दै थिए द्वन्द्वका बाछिटाले। दिनकै लर्को लागेर मान्छेहरू खालि हात भारततिर हुँइकिरहेको म देख्थें।

उँभोउँभो जाऊ, मुथिमुथि जाउ (माथि माथि जाउ)। मैले बाटो सोधेँ, उनीहरूले बताए।

बडेमानको ढुङ्गामा झोलाको आड लगाएर म पल्टिरहेकी थिँए। मेरो चाल देखेर लोकल साथी मलाई छोडेर टाप कसिसकेकी थिइन्। सोध्दै आउनु भनेर।

बाजुराको पान्डुसेनको उकालो थियो त्यो। वरिपरि रुख बिरुवा केही नभएको। आकाशमा नाङ्लो जत्रो घाम। बुरुन्चे सानो बोटको आडमा त्यो ढुङ्गा लाख थियो।

खाना खाएपछि उकालो लाग्न परोस् भन्ने त सराप नै हो रे। त्यसै भन्थे मान्छेहरू। मलाई त्यो दिन कसैले सरापेको थियो।

मेरो आडमा आएर गुनगुन गर्ने दुई बालक थिए।

बाटो बताएर फेरि आफ्नै धुनमा उनीहरू हराए। अक्सर नयाँ मान्छे देखेर दङ्ग पर्ने यो ठाँउमा उनीहरूले मलाई बाल दिएनन्।

मलाई बोल्ने तलतल झन् बढ्यो। दुवैले मकैको ठाँट चपाउँदै थिए।

मैले सुरु गरें। स्कुलबाट भाग्याको हो रे लौ। अल्छि लाग्यो पो भन्छन्। पढ्नु पो पर्छ मैले अर्ती दिएँ। उनीहरूले मेरो अर्ती गने पो।

जया रावल सात वर्षका र सेरा रावल नौ वर्षका थिए, पाँच वर्षअगि। पढाइको कुराले उनीहरूको ध्यान खिच्न सकिन।

मैले सोधें मोटर देख्याको छौं। हेडलाइटजस्ता आँखा अनि हातको पार स्टेरिङजस्तो। हात घुमाउँदै घुर्र्र्र गर्दै भने देख्याका।

नार्इं भन्लान् भनेको अर्कै आयो उत्तर। पान्डुसेनसम्म मोटर पुग्थ्यो वर्षाद्बाहेक त्यो बेला। सोचें त्यही देख्या होलान्। तल मोटर बाटोमा।

मोटर चढ्याका?

ढुक्कैसँग भने, ‘चढ्याको।’

कहाँकहाँ पुग्याको?

‘तराई र बम्बई सप्पैतिर गयाको।’ खल्ली पो परेछन्।

कँहा निको लाग्यो (राम्रो लाग्यो)?

सेरा बोल्यो, ‘तराई निको मान्दो म। बम्बई त गलाई(थकाई¬)लाग्दो।

जयाले भन्यो, ‘ना मकन बम्बई निको मान्दो। मस्तै फलफुल खान पाँइदो। नरिवलका पानी पाइप हालिहालिकन।’

यसो भन्दा ऊ कस्तो लोभियो अनि लोभलाग्दो देखियो।

फेरि सम्झ्यो नरिवलको पानी र भन्यो, ‘खाइरहन मन लाग्दो पुडो (थेगो) सकिजाँदो।’

पढाइतिर फेरि फर्काएँ, ‘यसरी भागेर हुन्छ पढेर के बन्ने?’

दुवैले पालैपालो भने, ‘बम्बई जाँदो रुपियाँ कमाउँदो।’

‘अनि के गर्ने पैसाले ?’

‘गुँड किन्दा, फलफुल, नरिवल सबै किन्दा। पैसा भएपछि सबै मिल्दो छ।’

उनीहरू यसरी रमाए। मानौं सबै कुरा मिलिसक्यो।

अनि?

‘आमाकन पेटीकोट चोलो किन्दा।’ मेरा हातका चुरा देखाएर भने, ‘चुरा पनि।’

सानो क्यामेरा थियो मेरो हातमा। त्यही देखाएर फेरि भने, ‘तम्राजस्तो क्यामेरा पनि किन्दा।’ अनि मज्जाले हाँसे।

सकिएको थियो द्वन्द्व। हान्दै थिए द्वन्द्वका बाछिटाले। दिनकै लर्को लागेर मान्छेहरू खालि हात भारततिर हुँइकिरहेको म देख्थें। बात मार्थें। लक्का जवान छोरा गुमाएर द्वन्द्व पीडितले पाउने पैसाको लागि धाउँदा–धाउँदा थाकेका बाबुहरू पनि। आँगनमा जीउ बिसाउने बेला दिल्ली बम्बईकै बाटोमा। फगत खालि हात।

सेरा र जयाको बम्बई सपना पनि भेट्न पाएँ।

हामी बिस्तारै उकालो लाग्दै गयौं। त्यो मकैको ठाँट उनीहरू चपाउँदै थिए अझै पनि। टाइम पास गरेका होलान्। स्कुलबाट भागेका न थिए।

दोबाटो आयो। छुटिने बेला भयो। ऊ त्यो बाटो जाऊ। मलाई बाटो देखाएर उनीहरू आफ्नै बाटो लागे। देखिने बेलासम्म मैले हेरिरहें।

उनीहरू अहिले के गर्दै होलान्। बम्बई गई पनि सकेकी!?

प्रकाशित १९ भदौ २०७३, आइतबार | 2016-09-04 10:40:23

प्रतिकृया दिनुहोस

  • कवि केशव सिलवाल

    सहरमा एक पुँजीवादः काँठमा एक रामचन्द्रे

    मिश्र सरको पुँजीवादबाट पीडित साक्ष्य हो रामचन्द्रे। उसलाई सिंहदरबारको कुनामा थन्किएको राज्यले नजर लगाउँदैन। उसको आहत कसैलाई सुन्ने फुर्सद छैन।...

  • विनोदविकास सिंखडा

    मेरो समयको एसएलसी र आजको एसइई

    एकाबिहानै फेसबुक खोलेर हेर्दा थाहा पाएँ, यो सालको एसएलसी सुरु भइसकेछ। आजभोलि त एसएलसीलाई ‘एसइइ’ पो भन्दा रहेछन्। सबै भन्छन्– यो परीक्षा जीवनको...

  • रवीन्द्र मिश्र

    रवीन्द्र मिश्रको समूहमा व्यक्ति प्रधानताको लक्षण

    राजनीति गर्छु भन्नेहरूले ति एजेण्डाका बारेमा स्पष्ट दृष्टिकोण सार्वजनिक नगरी सुख छैन। अहिले भएका वा भविष्यमा बन्ने सबै राजनीतिक दलले आफ्नो...

  • खस्कँदो छ उद्योग वाणिज्य महासंघको साख

    विस्तारै हटिरहेको लोडसेडिङ, उद्योगी र मजदुरबीचको सुमधुर सम्बन्ध र विदेशी लगानी बढिरहेको अवस्थामा अबको नेतृत्वले मुलुकमा लगानीको वातावरण रहेको...

  • समलिङ्गी जोडी रजनी र शर्मिला

    यस्ता छन् एक लेस्वियन जोडीका दुःखसुख

    नेपाली तेस्रो लिङ्गी अञ्जली तामाङको चर्चा काठमाडौँदेखि न्युयोर्कका पत्रपत्रिकासम्म पुग्दा मलाई पनि केही समयअगाडि बिबिसी साझा सवालमा आएका तेस्रो...

  • रङको राजनीति

    स्वदेशी बर्दीधारीले सप्तरीमा र विदेशी बर्दीधारीले कञ्चनपुरमा होली आउनु केही दिनअघि नै खूनको होली खेलिदिएर तराई–मधेशको यो सालको होली फिका, निरव,...

 

 

विचार

सुखद शुक्रबार

ब्लग

प्रविधि

रोचक

NepalKhabar Tweets

विशेष

  • पुण्यमति खोलामाथि परम्परागत झोलुङ्गे पुल र आधुनिक पुल

    पनौती फोटो यात्रा

    प्रदर्शनीमा राखिएका फोटोहरुले पनौतीको भूगोल, परिवेश, प्राकृतिक सम्पदा, वास्तुकला, मठ मन्दिर, गल्ली र मान्छेका फोटा मार्फत पनौतीको दैनिकी, वातावरण र...

  • सरकारलाई निर्देशन: पुनर्निर्माणमा अपुग ५८८ अर्ब तत्काल जुटाऊ

    ९ हजारको ज्यान लिनेगरी शक्तिशाली भूकम्प गएको दुई वर्ष पुग्न लाग्दा समेत पीडितले राज्य भएको अनुभूति गर्न नसकेकाले तत्काल प्रभावकारी कदम चाल्न...

  • आशा जगाउने सरगम

    यो घरमा विभिन्न कारणले अभिभावक गुमाएका र पारिवारिक रुपमा बिचल्लीमा परेका बालिकाहरुलाई घरेलु वातावरणमा हुर्काइएको छ। पारिवारिक वातावरणसँगै सङ्गीतमा...

  • प्रधानमन्त्री पुष्पकमल दाहाल प्रचण्डसँग भेट्दै अमेरिकी सेनाका एसिया प्यासिफिक कमान्डर ह्यारी, साथमा नेपालका लागि अमेरिकी राजदूत तेप्लिज

    नेपालमा अमेरिकाको बढ्दो सामरिक चासो

    संयुक्त राज्य अमेरिकाको दैनिक चासो यतिखेर अरब र युरोपतिरै छ। दक्षिण एसिया उसको पहिलो प्राथमिकतामा छैन, त्यसमा पनि नेपाल झन् चासोबाहिर भएको मानिन्छ।...